Senat sýdıalardy qyzmetinen bosatty

Parlament Senatynyń keshegi tústen keıingi ótkizilgen jalpy otyrysynda Qarjy polısııasy agenttiginiń el Prezıdenti atyna jasaǵan usynysy boıynsha Joǵarǵy Sottyń  keıbir sýdıalarynyń máselesi qaraldy. Senat depýtattary  aldynda Memleket basshysynyń ókilettigi boıynsha Prezıdent Ákimshiliginiń Basshysy Aslan Mýsın sóz sóıledi. «Memleket basshysynyń tap­syr­­masyna sáıkes, mynany ha­bar­laýǵa ruqsat etińizder. Qarjy polısııasy agenttigi Qazaqstan Prezıdentiniń atyna birqatar sý­dıalardy Joǵarǵy Sottyń sýdıa­sy qyzmetinen bosatý týraly usynys jasady. Olar Almaz Tá­shenova, Maqsat Ábilqaıyr, Már­zııa Baltabaı, Saılaýbek Já­ki­shev, Baqytjan Jaqypov, Mark­len Qamnazarov», – dedi Aslan Esbolaıuly óz sózinde. Sodan keıin Ekonomıkalyq qyl­mysqa jáne sybaılas jem­qor­lyqqa qarsy kúres agent­ti­gi­niń (Qarjy polısııasy) tóraǵasy Qaırat Qojamjarov Joǵarǵy Sottyń birqatar sýdıalaryna qa­tysty olardyń sybaılas jem­qor­lyq qylmysqa barǵandyǵy tý­raly faktilerdi jarııa etti. Agenttik tóraǵasy óz vedom­stvo­synyń zań erejeleri sheńberinde Bas prokýror sanksııasyn ala oty­ryp, Joǵarǵy Sottyń keıbir laýa­zymdy tulǵalaryna qatysty  ar­naıy jedel sharalardy júzege asyr­ǵandyǵyn erekshe atap ótti. Ná­tıjesinde Joǵarǵy Sottyń Aza­mattyq jáne ákimshilik ister jó­nindegi qadaǵalaý alqasynyń tór­aıymy Almaz Táshenova men Jo­ǵar­ǵy Sot sýdıasy Saılaýbek Já­ki­shevtiń áreketterinen sybaı­las jem­qorlyq faktileri anyqtalypty. Atalǵan laýazym ıeleri óz­de­riniń qyzmet babyn paıda­la­nyp, «Fıkalen» AQ múddesi úshin memleket qorjynyna 212 mıllıon teńge shyǵyn keletindeı sheshim shyǵaryp, zańsyz syı­aqy­lar alǵan.  Bas prokýratýra tara­py­nan  sýdıalar ústinen  qyl­mys­tyq is qozǵalǵany belgili bolyp otyr. Sondaı-aq Joǵarǵy Sot sý­dıa­lary Baqytjan Jaqypov, Már­zııa Baltabaı, Maqsat Ábil­qaıyr jáne Marklen Qamnazarov áreketterinde sybaılas jemqor­lyq  anyqtalǵany jarııa etildi. Aty atalǵan sýdıalar birneshe ret azamattardyń quqyqtaryn buza otyryp, jeke tulǵalardyń paıdasy úshin sheshim shyǵarǵan. Sot prosesine qatysýshylarmen jáne olardyń ókilderimen prosessýaldan tys baılanystarǵa barǵandyǵy, tergeý organdary­nyń jumysyna kedergi keltirgendigi jáne jalǵan kásipkerliktiń múddesi úshin azamattyq ister boı­ynsha sot sheshimin shyǵar­ǵan­dyǵy anyqtalypty. Joǵarǵy Sot­tyń Qylmystyq ister jó­nin­degi sot qadaǵalaý alqasy hat­shy­synyń orynbasary T.Sársenovke qatysty qylmystyq is qozǵal­ǵan­dyǵy da belgili boldy. Hat­shynyń orynbasary «Gaz-Sı­ne­gore» JShS basshysynan sot­tyń ońtaıly sheshim shyǵarýy úshin 150 myń AQSh dollaryndaı para talap etken. Qazirgi tańda T.Sársenovke aıyp taǵylyp, ol qamaýǵa alynǵan. Nátıjesinde Joǵarǵy Sottyń keıbir sýdıalaryn qylmystyq jáne quqyq buzýshylyq qadam­darǵa barǵany úshin qyzmetinen bosatý, ókilettikterinen aıyrý týraly Memleket basshysynyń usynysyn  Senat qoldady. Nátıjesinde joǵaryda aty atalǵan sýdıalar qyzmetinen bosatyldy. Asqar TURAPBAIULY.