Is-sharany Fılosofııa, saıasattaný jáne dintaný ınstıtýtynyń bas dırektory Aıgúl Sádýaqasova ashyp, jańa qujattyń memleket tutastyǵyn nyǵaıtý men adam quqyqtaryn qorǵaýdaǵy mańyzyn atap ótti.
«Konstıtýsııa jobasy qoǵamdyq kelisim úshin aıqyn baǵdardy belgileıdi, olar – adam quqyqtary men bostandyqtary, zań ústemdigi jáne ınstıtýttardyń jaýapkershiligi. Konstıtýsııalyq qaǵıdalar neǵurlym naqty bolsa, qoǵamdaǵy senim deńgeıi men ınstıtýttardyń turaqtylyǵy soǵurlym joǵary bolady», dedi óz sózinde A. Sádýaqasova.
Qoldanbaly etnosaıası zertteýler ınstıtýtynyń dırektory Lýıza Ýzarovanyń aıtýynsha, jańa Konstıtýsııa jobasy teń quqyqtar qaǵıdatyn jáne Qazaqstannyń san alýandylyǵyna qurmetti nyǵaıtady.
«Qoǵamdyq kelisim ádildikke, dıalogqa jáne ózara moıyndaýǵa negizdelgen júıe arqyly qalyptasady. Konstıtýsııa jobasy qoǵamdyq qatynastardy damytýdyń jańa kezeńin kórsetip, qoǵamdy toptastyrýdyń jınaqtalǵan tájirıbesin eskere otyryp, eldegi beıbitshilik pen kelisimdi odan ári nyǵaıtýǵa baǵyttalǵan» dedi sarapshy.
Jańa Konstıtýsııa: Aqmola oblysynyń turǵyndary ózderin tolǵandyrǵan suraqtaryn qoıdy
Alqaly jıyndy ınstıtýttyń Salystyrmaly saıası zertteýler ortalyǵynyń dırektory Aıdar Ámrebaev júrgizip, qoǵamnyń damýyna baǵyttalǵan Ata zańdaǵy ózgeristerdiń máni men mańyzyna, Halyq keńesiniń etnosaralyq birlikti kúsheıtý men qoǵamdyq kelisimdi nyǵaıtýdaǵy róline toqtaldy.
Mańǵystaý oblystyq kitaphanasynyń ujymy jańa Konstıtýsııaǵa qoldaý bildirdi
Prezıdent janyndaǵy Qazaqstannyń strategııalyq zertteýler ınstıtýtynyń Almaty qalasyndaǵy О́kildiginiń jetekshisi Ásel Nazarbetova atap ótkendeı, referendýmǵa usynylǵan jańa Konstıtýsııa jobasy quqyqtyq memlekettilikti nyǵaıtyp, memlekettik basqarýdyń tıimdiligi men sapasyn arttyrýda ınstıtýsıonaldyq áleýetke ıe.
Jańa Konstıtýsııa jobasynyń baptarynda zaıyrlylyq qaǵıdattaryn bekitýdiń mańyzdylyǵyna erekshe toqtalyp ótken ınstıtýttyń bas ǵylymı qyzmetkeri Natalıa Seıtahmetova bul qaǵıdalardy «smart-zaıyrlylyq» dep sıpattap, onyń ar-ojdan bostandyǵy, dıalog mádenıeti jáne toleranttylyq qaǵıdattary sııaqty azamattyq tatýlyq qundylyqtaryn nyǵaıtatyndyǵyn aıtty. Mundaı qundylyq negizi jańa ontologııalyq shynaıylyq jaǵdaıynda kózqarastar alýandyǵyn saqtaı otyryp, qoǵam birligin qamtamasyz etýge múmkindik beredi.
Ulttyq arhıv qyzmetkerlerine jańa Konstıtýsııa jobasy túsindirildi
Instıtýttyń Dintanýlyq zertteýler ortalyǵynyń bas ǵylymı qyzmetkeri Anatolıı Kosıchenkonyń aıtýynsha, jańa Konstıtýsııa jobasynyń qoǵamdyq ómirdiń moraldyq negizderin nyǵaıtýdaǵy mańyzy zor. Bul negizder adamnyń qadir-qasıetin qurmetteý, ózara jaýapkershilik jáne dıalog mádenıeti sııaqty qundylyqtardy qamtıdy. Dinniń oń róli rýhanııatty, meıirimdilik pen yntymaqtastyqty qoldaýdan kórinis tabatyn bolsa, bul qoǵam birligin saqtaýǵa yqpal etedi.
Sarapshylar jańa Konstıtýsııa jobasyna oń baǵa berip, qoǵamdaǵy kelisimdi nyǵaıtýǵa baǵyttalǵan konstrýktıvti áleýetin, azamattardyń qaýipsizdigin, quqyqtaryn qorǵaý arqyly halyq pen bılik arasyndaǵy senimdi nyǵaıtýǵa baǵyttalǵandyǵyn atap ótti.
