Qazaqstan Respýblıkasy Ekonomıkalyq damý jáne saýda mınıstrliginiń buıryǵy
2011 jylǵy 14 naýryz № 53 Astana qalasy
Qazaqstan Respýblıkasy Ádilet mınıstrliginiń buıryǵy
2011 jylǵy 10 naýryz № 96, Astana qalasy
Birlesken buıryq
Avtorlyq quqyq jáne sabaqtas quqyqtar obektilerin paıdalanýǵa jeke kásipkerlik salasyndaǵy tekserý paraǵynyń nysanyn jáne táýekel dárejesin baǵalaý ólshemderin bekitý týraly
«Qazaqstan Respýblıkasyndaǵy
memlekettik baqylaý jáne qadaǵalaý týraly»
Qazaqstan Respýblıkasy Zańynyń 13-babynyń 4-tarmaǵyna, 15-babynyń 1-tarmaǵyna sáıkes
buıyramyz:
Mynalar:
1) osy buıryqqa 1-qosymshaǵa sáıkes avtorlyq quqyq jáne sabaqtas quqyqtar obektilerin paıdalanýǵa jeke kásipkerlik salasyndaǵy táýekel dárejesin baǵalaý ólshemderi;
2) osy buıryqqa 2-qosymshaǵa sáıkes avtorlyq quqyq jáne sabaqtas quqyqtar obektilerin paıdalanýǵa jeke kásipkerlik salasyndaǵy tekserý paraǵynyń nysany bekitilsin.
2. Qazaqstan Respýblıkasy Ádilet mınıstrliginiń Zııatkerlik menshik quqyǵy komıteti (L.S. Stambekovaǵa):
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi qamtamasyz etsin;
2) osy buıryqty memlekettik tirkeýden ótkennen keıin ony resmı jarııalaýdy qamtamasyz etsin;
3) osy buıryqty Qazaqstan Respýblıkasy Ádilet mınıstrliginiń Internet-resýrsynda jarııalaýdy qamtamasyz etsin.
3. «Zııatkerlik menshik quqyqtaryn qorǵaý salasyndaǵy táýekel dárejesin baǵalaý ólshemderin jáne tekserý paraǵynyń nysanyn bekitý týraly» Qazaqstan Respýblıkasy Ekonomıka jáne bıýdjettik josparlaý mınıstriniń 2010 jylǵy 24 aqpandaǵy № 93 jáne Qazaqstan Respýblıkasy Ádilet mınıstriniń 2010 jylǵy 18 aqpandaǵy № 50 birlesken buıryǵynyń (Normatıvtik quqyqtyq kesimderdi memlekettik tirkeýdiń tizilimine № 6088 bolyp tirkelgen, «Zań gazeti» 2010 jylǵy 4 naýryzdaǵy № 33 (1655)) kúshi joıylǵan dep tanylsyn.
4. Osy buıryqtyń oryndalýyn baqylaý Qazaqstan Respýblıkasy Ádilet mınıstriniń orynbasary Á.T. Amanbaevqa júktelsin.
5. Osy buıryq alǵash resmı jarııalanǵan kúninen keıin on kúntizbelik kún ótken soń qoldanysqa engiziledi.
Qazaqstan Respýblıkasynyń Ekonomıkalyq damý jáne saýda mınıstri
____________ J. AITJANOVA.
Qazaqstan Respýblıkasynyń Ádilet mınıstri
___________ R. TÚSIPBEKOV.
Qazaqstan Respýblıkasynyń Ekonomıkalyq damý jáne saýda mınıstriniń 2011 jylǵy 14 naýryzdaǵy № 53 jáne Qazaqstan Respýblıkasynyń Ádilet mınıstriniń 2011 jylǵy 10 naýryzdaǵy № 96 birlesken buıryǵyna 1-qosymsha
Avtorlyq quqyq jáne sabaqtas quqyqtar obektilerin paıdalanýǵa jeke kásipkerlik salasyndaǵy táýekel dárejesin baǵalaý ólshemderi
1. Avtorlyq quqyq jáne sabaqtas quqyqtar obektilerin paıdalanýǵa jeke kásipkerlik salasyndaǵy táýekel dárejesin baǵalaý ólshemderi (budan ári – ólshemderi) avtorlyq quqyq jáne sabaqtas quqyqtar obektilerin paıdalanatyn sýbektilerge (budan ári – sýbektiler) josparly tekseris júrgizý úshin ázirlengen.
2. Osy ólshemderde kelesi uǵym paıdalanylady:
táýekel – sýbektilerdiń qyzmeti nátıjesinde saldarynyń aýyrlyq dárejesi eskerile otyryp, tıesili syıaqylardy tólemeý arqyly avtorlardyń, oryndaýshylardyń, fonogramma shyǵarýshylardyń jáne ózge quqyq ıelenýshilerdiń múliktik múddelerine zııan keltirý yqtımaldyǵy.
3. Sýbektiler qyzmetiniń táýekelderin baǵalaý, sýbektiniń saldardyń aýyrlyǵy turǵysynan mańyzy, avtorlyq jáne sabaqtas quqyqtar salasyndaǵy zańnamany buzýshylyqtardyń salalyq statıstıkasy, sondaı-aq jospardan tys tekserýlerdiń nátıjeleri eskerile otyryp, kelesi tártipte júrgiziledi:
1) sýbektilerdiń táýekel dárejesi boıynsha birinshi jatqyzý sýbektiniń saldardyń aýyrlyǵy turǵysynan mańyzy eskerile otyryp, sýbektiler qyzmetiniń sandyq kórsetkishteri negizinde júzege asyrylady;
2) sýbektilerdiń táýekel dárejesi boıynsha ekinshi jatqyzý avtorlyq jáne sabaqtas quqyqtar salasyndaǵy zańnamany buzýshylyqtardyń salalyq statıstıkasy jáne jospardan tys tekserýlerdiń nátıjeleri eskerile otyryp, sýbektiler qyzmetiniń sapalyq kórsetkishterine sáıkes júzege asyrylady.
4. Mańyzdylyǵy boıynsha sýbektilerdi bólý:
1) joǵarǵy táýekel dárejesimen mańyzdylyǵy joǵary dárejeli sýbektilerge:
efırlik jáne kábildik habar taratý uıymdary men spýtnıkti teledıdar operatorlary jatady;
2) ortasha táýekel dárejesimen mańyzdylyǵy ortasha dárejeli sýbektilerge:
teatrlar, kınoteatrlar, konserttik zaldar;
3) tómen táýekel dárejesimen mańyzdylyǵy tómen dárejeli sýbektilerge:
merzimdik baspasóz basylymdar, baspalar jatady.
5. Birinshi josparly tekserister kezektiligi:
1) joǵary táýekel dárejesi kezinde:
quqyq ıelenýshimen ne múliktik quqyqtardy ujymdyq negizde basqaratyn uıymmen sharttardyń bolmaýy;
eń kóp abonenter sany nemese qamtý aýmaǵy;
2) ortasha táýekel dárejesi kezinde:
teatrlar, kınoteatrlar, konserttik zaldar jáne ózge sýbektiler úshin:
quqyq ıelenýshimen ne múliktik quqyqtardy ujymdyq negizde basqaratyn uıymmen sharttardyń bolmaýy;
eń kóp otyrǵyzý oryndar sany;
3) tómen táýekel dárejesi kezinde:
eń kóp taralym sany;
eń kóp taratý aýmaǵy eskerile otyryp, bekitiledi.
6. Sýbektilerdiń táýekel dárejesi boıynsha ekinshi jatqyzý kezinde avtorlyq jáne sabaqtas quqyqtar salasyndaǵy táýekelder dárejesin baǵalaýdyń sapalyq ólshemderine baılanysty sýbektiler qaıta bólinedi.
7. Táýekelder dárejesin baǵalaýdyń sapalyq ólshemderin qoldaný maqsatynda, avtorlyq jáne sabaqtas quqyqtar salasyndaǵy zańnamany buzýshylyqtardyń salalyq statıstıkasy, jospardan tys tekserýlerdiń nátıjeleri, sondaı-aq múliktik quqyqtardy ujymdyq negizde basqaratyn uıymdardyń avtorlyq quqyq jáne sabaqtas quqyqtar obektilerin paıdalanýǵa jasasqan lısenzııalyq sharttar týraly málimetteri paıdalanylady.
8. Táýekelder dárejesin baǵalaýdyń sapalyq ólshemderine baılanysty sýbektiler joǵarǵy, ortasha nemese tómen táýekel dárejesine ótedi.
Táýekel dárejesinde oryn aýystyrý úshin sapalyq ólshemder baldarmen baǵalanady:
1) avtorlyq quqyq jáne sabaqtas quqyqtar obektilerin quqyq ıelenýshimen shart jasaspaı paıdalaný – 3 ball;
2) eger mundaı is-áreketter nátıjesinde avtorlyq quqyqty jáne sabaqtas quqyqtardy qorǵaýdyń tehnıkalyq quraldaryn paıdalaný múmkin bolmaǵan ne osy tehnıkalyq quraldar atalǵan quqyqtardyń tıisti qorǵalýyn qamtamasyz ete almaǵan jaǵdaılarda kez kelgen qurylǵyny nemese onyń komponentterin daıyndaý, taratý, prokatqa berý, ýaqytsha paıdalanýǵa berýge, ımporttaý, jarnamalaý, olardy paıda tabý maqsatynda paıdalaný ne qyzmet kórsetý – 2 ball;
3) avtordyń nemese ózge de quqyq ıelenýshiniń ruqsatynsyz týyndylardy nemese sabaqtas quqyqtar obektilerin paıdalanýǵa avtorlyq quqyqty jáne sabaqtas quqyqtardy qorǵaýdyń tehnıkalyq quraldaryn qoldaný arqyly belgilengen shekteýlerdi alyp tastaýǵa baǵyttalǵan is-áreketterdi júzege asyrý – 1 ball;
4) avtordyń nemese ózge de quqyq ıelenýshiniń ruqsatynsyz avtorlyq quqyqtardy basqarý týraly aqparatty joıý nemese ózgertý – 1 ball;
5) avtordyń nemese ózge de quqyq ıelenýshiniń ruqsatynsyz múliktik quqyqtardy basqarý týraly aqparaty joıylǵan nemese ózgertilgen týyndylarǵa nemese sabaqtas quqyqtar obektilerine qatysty olardy qaıta shyǵarý, taratý, taratý maqsatynda ımporttaý, kópshilik aldynda oryndaý, jalpy jurttyń nazaryna kábil boıynsha habarlaý nemese efırde berý, jalpy jurttyń nazaryna jetkizý – 1 ball.
9. 2 baldan astam jınaǵan sýbektiler joǵarǵy táýekel dárejesine jatady.
2 baldy jınaǵan sýbektiler ortasha táýekel dárejesine jatady.
1 baldy jınaǵan sýbektiler tómen táýekel dárejesine jatady.
Qazaqstan Respýblıkasynyń Ekonomıkalyq damý jáne saýda mınıstriniń 2011 jylǵy 14 naýryzdaǵy № 53 jáne Qazaqstan Respýblıkasynyń
Ádilet mınıstriniń 2011 jylǵy 10 naýryzdaǵy № 96 birlesken buıryǵyna 2-qosymsha
Nysan
Avtorlyq quqyq jáne sabaqtas quqyqtar obektilerin paıdalanýǵa jeke kásipkerlik salasyndaǵy tekserý paraǵy
Tekserýdi taǵaıyndaǵan ádilet organy __________________________________
__________________________________________________________________
Tekserýdi taǵaıyndaý týraly akt _____________________________________
(№, kúni)
Avtorlyq jáne sabaqtas quqyqtar obektilerin paıdalanatyn baqylaý sýbektiniń ataýy _____
__________________________________________________________________
| № |
Zańnamanyń talaptary |
Iá |
Joq |
Qajet emes |
Eskertý |
| 1 |
Quqyq ıelenýshilermen
sharttardyń bolýy |
|
|
|
|
| 2 |
Satyp alý-satý shartynyń,
júkqujattyń, túbirtekterdiń,
avtorlarǵa jáne ózge de
quqyq ıelenýshilerge syıaqyny
tóleýdi rastaıtyn qujattardyń bolýy |
|
|
|
|
| 3 |
Quqyqtar berilgen zııatkerlik
menshik obektileriniń ataýly
tizbege sáıkestigi (sharttyń
talaptaryna baılanysty sharttyń
qosymshalary nemese taýar
júkqujattary) |
|
|
|
|
| 4 |
Zııatkerlik menshik obektileriniń
(danalarynyń) quqyq ıelenýshiniń
talaptaryna (shart talaptaryna
baılanysty) sáıkestigi |
|
|
|
|
Eskertý: Zań – «Avtorlyq quqyq jáne sabaqtas quqyqtar týraly» Qazaqstan Respýblıkasynyń Zańy
Tekserý júrgizgen laýazymdy tulǵa:
______________________________________________________________
(laýazymy) (qoly) (T.A.Á.A.)
______________________________________________________________
(laýazymy) (qoly) (T.A.Á.A.)
Baqylaý sýbektisi tanysty:
______________________________________________________________
(laýazymy) (qoly) (T.A.Á.A.)
Buıryq Qazaqstan Respýblıkasynyń Ádilet mınıstrliginde 2011 jylǵy 28 naýryzda
Normatıvtik quqyqtyq kesimderdi memlekettik tirkeýdiń tizilimine №6844 bolyp engizildi.
