Qazaqstan halqy Assambleıasy HVII sessııasy qatysýshylarynyń el azamattaryna úndeýi

Qurmetti otandastar! Qazaqstan bıyl Táýelsizdiktiń jıyrma jyldyq mereıtoıyn qýanyshpen atap ótýde. Bul – beıbitshilik, kelisim men jasampazdyqtyń  jıyrma jyly. Táýelsizdik – halqymyzdyń basty muraty, bizdiń ta­rıhı tańdaýymyz jáne taǵdyrymyzdy ózimiz aı­qyn­daý quqyǵy. Qazaqstan halqyna baq bolyp qonǵan kelisim men birlik «Bir el – bir taǵdyr» ustanymyna súıene oty­ryp, Ult Kóshbasshysy – Tuńǵysh Prezıdent Nur­sul­tan Ábish­uly Nazarbaevtyń salıqaly saıasaty­nyń negizine aınaldy. Táýelsizdik jyldary Qazaqstan ekonomıkalyq damý, el azamattarynyń ómir súrý deńgeıin arttyrý baǵytynda tańǵalarlyq jetistikterge qol jetkizdi. Biz memleketti nátıjeli basqarýǵa qabilettili­gimizdi dá­leldep, demokratııa túptamyryna berik ne­giz qa­laı bildik. Qazaqstan álemdik saıası kartada myǵym jáne bedeldi orynǵa ıe bolyp, halyq­ara­lyq qaýym­das­tyqtyń jaýapty músheleriniń biri retinde ta­nyl­dy. Osy sózderdi Qazaqstan tóraǵalyq etken EQYU Sammıti aıqyn dáleldedi. Osy jetistikterdiń barlyǵy ekonomıkalyq ór­ken­­deý men Qazaqstan halqynyń ıgiligine baǵyt­tal­ǵan Ult Kóshbasshysynyń saıası erik-jigeri men syndarly saıasatynyń arqasynda iske asty. Qazaqstan halqy Assambleıasy kezekten tys prezıdenttik saılaýda jeńiske jetken Nursultan Na­zar­baevty shyn kóńil, aq nıetpen qoldaıdy. Saılaýdaǵy jeńis el Prezıdenti men búkil Qazaqstan halqynyń naǵyz jeńis shyńyna aınaldy. Qazaqstan halqy Assambleıasy etnosaralyq qaty­nastardy úılestirýshi mańyzdy qoǵamdyq ınstıtýt retinde Qazaqstannyń barsha azamatyn Elbasynyń el turǵyn­da­ryna joldaǵan «Bolashaqtyń irgesin birge qalaıyq» at­ty Joldaýyndaǵy mindetterdi iske asyrý jolynda bir el­diń balasyndaı, bir qoldyń sala­syn­daı jumylýǵa shaqyrady. Assambleıanyń HVII sessııasynyń qatysýshy­lary Qazaqstan halqynyń ulttyq rýhy – dástúr, otan­súı­gishtik, jańarý men jeńis rýhyn nyǵaıtýǵa shaqy­ra­dy. Biz, el azamattary, Ult Kóshbasshysy Nursultan Ábishuly Nazarbaevtyń basshylyǵymen birlese oty­ryp, kúshti, yrys-yntymaǵy tasyǵan, órkendi damy­ǵan Táýelsiz Qazaqstandy quraty­nymyzǵa senemiz! Astana qalasy, 2011 jylǵy 18 sáýir.