Mindetter naqtylanyp, mejeler belgilendi

Keshe Premer-Mınıstr Kárim Másimovtiń tóraǵalyǵymen Úkimettiń kezekti otyrysy bolyp ótti. – Jeksenbide ótken keńeı­til­gen májiliste Memleket basshysy Nursultan Nazarbaev Úkimettiń aldyna birqatar keleli mindetter qoıǵanyn bilesizder. Búgin men sol Elbasy júktegen mindet­ter­diń oryndalý barysyn jáne oǵan kim jaýapty ekendigin naqtylap alǵym kelip tur, – dedi Úkimet basshysy. Elbasy óz sózinde taıaý bes­jyl­dyqta Qazaqstan tabysy eń joǵary deńgeıdegi elder tobyna enýi qajet, 2016 jylǵa qaraı IJО́ deńgeıi jan basyna shaqqan­da keminde 15 myń dollarǵa jetýi tıis dep atap kórsetti. Osyǵan baıl­anysty Premer-Mınıstr Eko­nomıkalyq damý jáne saýda mınıstri Qaırat Kelimbetovke eki apta ýaqyt ishinde árbir sala úshin ekonomıkalyq ósim deńgeıin belgileýdi jáne ekonomıkanyń árbir salasyna jaýapty mınıstrlikter men ákimdikterdi anyqtaýdy tap­syr­dy. «Memleket basshysy aıt­qan mejelerge jetý úshin eko­no­mıkamyz jyl saıyn keminde 7 paıyzdyq ósim kórsetýi kerek. Biz ekonomıkalyq kórsetkishterdiń ósý dárejesin toqsan saıyn tekserip otyratyn bolamyz, soǵan baılanysty siz ekonomıkanyń ár­bir salasyn óńirler boıynsha jáne vedomstvolar men mınıstrlikter boıynsha qandaı jaýapkershilik júkteletindigin jeke-jeke saralap kórsetýińiz kerek», – dedi Kárim Másimov. Otyrysta Úkimet basshysy Indýstrııa jáne jańa tehnolo­gııa­lar mınıstrligine osy aıdyń so­ńyna deıin Indýstrııalandyrý kartasyn naqtylaýdy júktedi. Onyń ishinde jańa ınvestı­sııa­lyq jobalardy is júzine asyrýǵa, bıylǵy jyly iske qosylatyn 192 jobanyń oryndalýyna ba­ryn­­sha jaýapkershilikpen qaraý tapsy­ryldy. Memleket basshysy­nyń tikeleı tapsyr­ma­syna baıla­nys­ty elimizde ulttyq geolo­gııa­lyq barlaý kompanııasy qurylady. Osy­ǵan oraı Premer-Mınıstr Indýstrııa jáne jańa tehnologııalar mınıstri Áset Ise­keshevke jáne «Samuryq-Qa­zyna» UÁQ bas­shysy Tımýr Qu­ly­baevqa bir apta ýaqyt ishinde osy ulttyq kom­pa­nııany qurý já­ne ony qarjy­lan­dyrý týra­ly na­qty usynystar daıyn­daýdy tap­syrdy. Sonymen birge Premer-Mınıstr Kárim Másimov Syrtqy ister jáne Indýstrııa jáne jańa tehnologııalar mınıstrlikterine elimizge jańa ınvestorlar tartý josparyn belgilep, naqty sharalar uıymdastyrýdy tapsyrdy. Elbasy Nursultan Nazarbaev 17 sáýirde sóılegen sózinde elimizdiń azyq-túlik qaýipsizdigin qamtama­syz etýge, agrarlyq sektordy da­mytýǵa, básekelestikti qorǵaýǵa já­ne jer resýrstaryn tıimdi paı­dalanýǵa aıryqsha mán berip, bir­qa­tar keleli mindetter qoıdy. Úki­met otyrysynda Premer-Mı­nıstrdiń birinshi orynbasary О́mirzaq Shókeevke Jer resýrs­taryn basqarý agenttigimen jáne oblys ákimderimen birlese oty­ryp, elimizdegi barlyq aýyl­sha­rýa­shylyq mańyzy bar jer telimderine revızııa jasaý mindeti júk­teldi. Sonymen birge oty­rysta elimizde áleýmettik mańyzy bar taýarlardyń baǵasyn turaqtan­dyrý máselesi boıynsha naqty sharalar belgilendi. Ekonomıkalyq damý jáne saýda mınıstrligine Memlekettik qyzmet isteri jónindegi agenttikpen jáne óńirlerdiń ákimderimen birlese otyryp, jergilikti ózin-ózi basqarý ókilettigin keńeıtý maqsatynda birqatar memlekettik ókilettikterdi jergilikti jerlerge berý maqsatynda keshendi sharalar belgileý mindeti júkteldi. «Memleket basshysy ústimizdegi jyldyń 13 mamyrynda Almaty­daǵy Aqparattyq tehnologııalar parkiniń arqaýynda ınnovasııany damytýǵa arnalǵan keńeıtilgen májilis ótkizetin bolady. Osyǵan baılanysty 10 mamyrǵa deıin Premer-Mınıstrdiń orynba­sa­ry – Indýstrııa jáne jańa tehnologııalar mınıstri Áset Isekeshev naqty baǵdarlamalar daıyn­dap, usynys engizýi kerek», dedi Úkimet basshysy. Premer-Mınıstr bir aı merzim ishinde Bilim jáne ǵylym mınıstrligine tıisti ákimdiktermen birlese otyryp, Astana, Almaty, Aqtóbe jáne Shymkent qala­la­rynda álemdik deńgeıdegi kásip­tik-tehnıkalyq kolledjder uıym­das­tyrý jóninde naqty sharalar daıyn­daýdy tapsyrdy. «Bola­shaq» baǵdarlamasyna baılanys­ty qor­da­lanǵan máselelerdi she­shý­diń jol­daryn belgileý úshin de mınıstrlikke bir aı ýaqyt berildi. Úkimet otyrysynda halyqqa qyzmet kórsetý ortalyqtarynyń (HQO) jumysyn jandandyrý má­se­lesi de jan-jaqty tilge tıek etil­di. Baılanys jáne aqparat mı­nıstrligine 30 maýsymǵa deıin HQO-lardyń jumysyn jaqsartý jáne olardyń turǵyndarǵa kór­se­tetin qyzmetteriniń sapasyn kó­te­rý maqsatynda naqty sharalar belgileý tapsyryldy. Sonymen bi­rge atalmysh mınıstrlik «Qa­zaq­telekom» AQ-pen birlese oty­ryp, eki apta ýaqyt ishinde turǵyn­dar­dyń joǵary sapaly Internet jú­ıesine qosylý múmkindigin keńeı­tý jáne elimizde 4G standartyn engizý jónindegi naqty josparyn ázirleýi kerek. Kólik jáne kommýnıkasııa mınıstrligine «Eır Astana» ulttyq áýe kompanııasymen birlese oty­ryp, jeti saǵat ushý qashyq­ty­ǵyn­daǵy álemdegi barlyq iri qa­la­larmen tikeleı áýe baılanysyn ashý mindeti júkteldi. Sonymen birge Úkimet basshysy osy mınıstrlikke «Samuryq-Qazyna» UÁQ» jáne «Qazaqstan temir joly» AQ-tarmen birlese otyryp, elimizdiń aýmaǵy boıynsha júk tasymaly­nyń júıeli kestesi kórsetilgen tranzıttik kólik áleýetin art­tyrý­dyń naqty josparyn jasaý mindetin júktedi. Sondaı-aq Úki­met otyrysynda tıisti organdar men barlyq ákimdikterge bıylǵy jylý maýsymynyń qorytynd­y­syn saralap, aldaǵy jylý maý­symyna daıyndyqty jandan­dy­rý máselesi tapsyryldy. Úkimet basshysy tıisti mınıstrlikter men vedomstvolarǵa jumysshy­lardyń eńbekaqysyn mezgilinde tóleý qajettigin erekshe eske saldy. Eńbek jáne halyqty áleý­mettik qorǵaý mınıstrligi Bas prokýratýramen birlese otyryp, osy másele boıynsha jan-jaqty monıtorıng júrgizip, kinálilerdi anyqtaýy qajet. Úkimet otyry­synda Premer-Mınıstr Kárim Másimov Aýyl sharýashylyǵy mınıstrligine, óńirlerdiń ákimderi­ne kóktemgi egis jumystaryn baryn­sha uıymshyldyqpen ót­kizý­di tap­syrdy. Kún tártibindegi osy keleli mindetke baılanysty 20 sáýir kúni Úkimette arnaıy selektorlyq keńes ótkiziletin boldy. Jylqybaı JAǴYPARULY.