Qazaqstan Respýblıkasy Kólik jáne kommýnıkasııa mınıstrliginiń buıryǵy №159

2011 jylǵy 18 naýryz, Astana qalasy Sýbsıdııalanatyn marshrýttarda ushýdy oryndaǵan kezde ushý saǵatynyń ózindik quny esebiniń nusqaýlyǵyn bekitý týraly «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 14-baby 1-tarmaǵynyń 24) tarmaqshasyna sáıkes buıyramyn: 1. Qosa berilip otyrǵan Sýbsıdııalanatyn marshrýttarda ushýdy oryndaǵan kezde ushý saǵatynyń ózindik quny esebiniń nusqaýlyǵy bekitilsin. 2. Qazaqstan Respýblıkasy Kólik jáne kommýnıkasııa mınıstrliginiń Azamattyq avıasııa komıteti (R.О́.Ádımolda) belgilengen tártippen osy buıryqty Qazaqstan Respýblıkasy Ádilet mınıstrliginde memlekettik tirkeýdi qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Kólik jáne kommýnıkasııa vıse-mınıstri A.Ǵ.Bekturovqa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr  Á.QUSAIYNOV. Qazaqstan Respýblıkasy Kólik jáne kommýnıkasııa mınıstriniń 2011 jylǵy 18 naýryzdaǵy №159 buıryǵymen bekitilgen Sýbsıdııalanatyn marshrýttarda ushýdy oryndaǵan kezde ushý saǵatynyń ózindik quny esebiniń nusqaýlyǵy 1. Jalpy erejeler 1. Osy Sýbsıdııalanatyn marshrýttarda ushýdy oryndaǵan kezde ushý saǵatynyń ózindik quny esebiniń nusqaýlyǵy (budan ári – Nusqaýlyq) Qazaqstan Respýblıkasy Úkimetiniń nemese ol ýákilettik bergen memlekettik organnyń sheshimderi negizinde, sondaı-aq marshrýttyń tıimdi jumys isteýine qajetti kiris deńgeıin qamtamasyz etpeıtin jergilikti atqarýshy organdardyń sheshimderi negizinde júzege asyrylatyn respýblıkalyq (jergilikti) bıýdjetten sýbsıdııalanatyn marshrýttarda qoldaný maqsatynda ázirlendi. 2. Nusqaýlyq ózindik qun qurylymyna kiretin shyǵyn­dardyń qalyptasýynyń biryńǵaı tártibin belgileıdi. 3. Osy Nusqaýlyqta paıdalanylatyn uǵymdar: 1) ushý saǵaty – shassıdiń kóterilgen sátinen bastap onyń ushý aıaqtalǵan sátinde ushý-qoný jolaǵymen janasqanǵa deıingi ýaqyt kezeńi. 2) ushý saǵatynyń ózindik quny – reıster qunyn esepteý kezinde quramdas bóligi bolyp tabylatyn aýyspaly shyǵystarmen qatar áýe kemelerin paıdalanýdyń oryndylyǵyn baǵalaý úshin qoldanylatyn negizgi kórsetkish. Sıntetıkalyq kórsetkishtegi sııaqty ushý saǵatynyń ózindik qunynda óndiristik jáne qarjy-sharýashylyq qyzmetiniń barlyq jaqtary kórsetiledi: materıal­dyq, eńbek jáne qarjy resýrstaryn paıdalaný dárejesi. 3) lızıngtik tólemder – eseptik kezeńdegi qarjylyq lızıng sharty boıynsha jaldaý aqysynyń somasy. 2. Ushý saǵatynyń ózindik qunyn esepteý tártibi jáne qurylymy 4. Ushý saǵatynyń ózindik qunyn eseptegen kezde tómendegi erejeler kózdeledi. 5. Esepteý qurylymyndaǵy shyǵyndar ózindik quny bir ushý saǵatyna qajetti aýdarymdar túrinde kórsetiletin baptar boıynsha usynylady. 6. Áýe kemesiniń úlgisine ushý saǵatynyń ózindik qunynyń máni kompanııa eseptik kezeńde áýe kemesiniń osy úlgisimen ushýdy qamtamasyz etý úshin ózindik qun esebine kiretin naqty shyǵyndar somasynyń osy áýe kemesiniń úlgisimen ushýǵa qatynasy retinde anyqtalady jáne esep jyl basynan údemeli qorytyndymen júrgiziledi. 7. Ushý saǵatynyń ózindik qunyna mynadaı shyǵystar kiredi: 1) tehnıkalyq qyzmet kórsetý shyǵystary – osy shyǵystarǵa áýe kemelerin, qozǵaltqyshtar men qosalqy jáne jınaqtaýshy bólshekterdi kúrdeli jóndeý men aǵymdaǵy jóndeýge ketken shyǵystar, sondaı-aq áýe kemesi boıynsha barlyq jóndeý túrlerin oryndaý jónindegi rásimder quny kiredi. 2) turaqty shyǵystar – osy shyǵystarǵa áýe kemeleri jáne áýe kemeleri men qozǵaltqyshtar úshin qosalqy bólshekter qarjylyq lızıng sharty boıynsha jaldaý tólemderi, áýe kemesi boıynsha barlyq táýekelderden áýe kemelerin, qozǵaltqyshtar men qosalqy bólshekterdi saqtandyrý shyǵystary, áýe kemeleri úshin qosalqy bólshekter men komponentterdiń jalpy qoryn qamtamasyz etý jáne áýe kemelerin modıfıkasııalaý shyǵystary, áýe kemesi boıynsha tehnıkalyq ınspeksııalaý shyǵystary, sondaı-aq joǵaryda kórsetilgen qyzmetter boıynsha kedendik tólemder men kedendik tazalaý jáne saqtaý qyzmetteriniń shyǵystary kiredi. 3) ústeme shyǵystar – osy shyǵystarǵa avıakompanııanyń óndiristik qyzmetin úzdiksiz qamtamasyz etýshi óndiristik qyzmetterdi (ushý personaly, bortserikter men ınjenerlik-tehnıkalyq personal) ustaýǵa arnalǵan, sondaı-aq avıakompanııanyń óndiristik ǵımarattar, qurylystar men tehnıkalyq keshenderdi ustaýǵa jáne paıdalanýǵa arnalǵan shyǵystary kiredi. Sondaı-aq shyǵystarǵa amortızasııalyq aýdarymdar, óndiristik muqtajdyqtar úshin avtokólik, jerdegi jabdyq pen tehnıka shyǵystary, kompıýter boıynsha shyǵystar, kommýnıkasııalyq qyzmetterge arnalǵan shyǵystar; ushý jaramdylyǵy sertıfıkattary jáne áýe kemelerin tirkeý sertıfıkattary úshin tólemder boıynsha shyǵystar; 4) kezeńdegi shyǵystar – osy shyǵystarǵa óndiristik qyzmetpen baılanysty emes kompanııanyń shyǵyndary kiredi: jalpy jáne ákimshilik shyǵystar – óndiristik úderispen baılanysty emes basqarý jáne sharýashylyq shyǵystaryn eskeretin shyǵyndar. ónimdi iske asyrý jáne qyzmetter kórsetý boıynsha shyǵystar (agentterge komıssııalyq paıyzdardy qospaǵanda) – ónimdi iske asyrý jáne qyzmetter kórsetýmen baılanysty shyǵyndar. Kezeńdegi shyǵystar avıakompanııalar júzege asyratyn barlyq reısterdiń jalpy ushý saǵatyndaǵy sýbsıdııalanǵan reısterdiń tıisti ushý kóleminiń saǵaty mólsherinde qabyldanady, olar kelesideı kózdeledi: V=(R2/R1)*100% V – sýbsıdııalaý kólemi (%) R1 – barlyq reısterdiń jalpy ushý saǵaty R2 – sýbsıdııalanatyn reısterdiń ushý saǵaty Buıryq Qazaqstan Respýblıkasynyń Ádilet mınıstrliginde 2011 jylǵy 31 naýryzda Normatıvtik quqyqtyq kesimderdi memlekettik tirkeýdiń tizilimine №6856 bolyp engizildi.