«Adamǵa qansha jer kerek?»

OTANDYQ KINOTÝYNDYSY «ÁDEBIET JÁNE KINO» FESTIVALINEN JÚLDELI ORALDY Orys ádebıetiniń klassıgi Lev Tols­toıdyń osydan 100 jyl buryn jazyp ketken «Adamǵa qansha jer kerek?» deıtin áńgimesiniń jelisimen túsirilgen  qazaqstandyq rejısser Mirǵalym Esirkepovtiń tolyqmetrajdy fılmi jýyrda Sankt-Peterbýrg qalasynyń mańyndaǵy Gatchınoda ótken halyqaralyq kınofestıvalde  kórermender nazaryn aýdaryp qana qoımaı, «Úzdik debıýt» atalymy boıynsha bas júldeni jeńip aldy. «Mirǵalym Esirkepovtiń L. Tols­­­­toıdyń osy attas áńgimesiniń jelisi boıynsha túsirgen «Mnogo lı cheloveký zemlı nýjno» fılmi eń úzdik jáne jarqyn debıýt bolǵany sózsiz. Ol basqa tilde kórsetilgen jalǵyz fılm bol­ǵanyna qaramastan, (fılm qazaq tilinde túsirilip, oryssha sýb­tıtry festıval qarsańynda ja­s­a­lynyp úlgergen) kórermender zaly ony qol soǵyp qarsy aldy», – depti júldeni tapsyrarda qazylar alqasynyń múshesi, RF halyq ártisi Alla Demıdova. Bul – M. Esirkepovtiń shetelden alǵan alǵashqy júldesi. Sonymen, festıvalge qatys­qan 70-ten astam kartınanyń ishinen qazaq rejıs­seriniń jumysy jeńiske jetýiniń syry nede? – Bul jumystyń unaǵany, Tolstoıdyń   fılosofııalyq týyn­dysy áli de mańyzyn joıǵan joq. О́ıtkeni, ondaǵy rýhanı ıdeıa – adamzat úshin máńgilik qundylyq bolyp qala bermek, Iá, adam qa­naǵatty bilý kerek. Toıym­syz­dyq jaqsylyqqa ákelmeıdi. Osy­ny árkim kókeıge túıýi kerek. Fılm­niń negizgi aıtar oıy osy. Kar­tınanyń jeńiske jetýiniń syry osynda bolar, – deıdi fılm rejısseri. Alaıda, Lev Tolstoıdyń   fı­lo­sofııalyq ańyzyn kıno tilinde sóıletken, atalmysh fılmniń óz otanynda premera­sy áli óte qoıǵan joq. Esimi qazaqstandyq kınematografııada estile bastaǵan Esirkepov kim deseńiz, ol – Vıktor Pusyrmanovtyń shákirti. Ekinshi kýrsta oqyp júrgende-aq «Qazaq­stan-Mońǵolııa» fılminiń túsi­ri­limine atsalysqan ol odan keıin de «Qazaqfılm» kınostý­dııa­synda qosalqy rejısser retinde birqatar fılmniń túsirilýine qatysypty. Al sońǵy 10 jyl boıy televızııada qyzmet jasap kóptegen derekti fılmderdiń avtory bolǵany óz aldyna bir áńgime. Bul eńbekteri de eskerýsiz qalmaı, «Altyn juldyz» júl­desimen marapattalǵan eken. Aınash ESALI. Almaty.