Ǵaryshker dárisi

Qazir tórtkúl dúnıe adam balasynyń ǵaryshqa ushqanyna 50 jyl tolýyn jan-jaqty atap ótip jatyr. Osyǵan oraı, L.Gýmılev atyndaǵy Eýrazııa ulttyq ýnıversıtetiniń oqytýshylary men stýdentterine arnaıy kelip, qazaqtyń aıtýly azamaty, Ult­tyq ǵarysh agenttiginiń tóraǵa­sy Talǵat Musabaev «QR Ult­tyq ǵarysh agenttiginiń qyzmeti jáne ǵarysh keńistigin baǵyn­dyrýdyń bolashaqtaǵy jospa­ry» degen taqyrypta dáris oqydy. Ǵarysh áleminde úsh ret bolǵan Talǵat Amangeldiuly jıyl­ǵan jurtqa elimizdiń ót­keni men búginin jan-jaqty saralaı kelip, Birikken Ulttar Uıymy ǵarysh kúnin álem jurt­shylyǵynyń ortaq merekesi dep jarııalaǵanyn alǵa tartty. Ol sonymen birge, adamnyń búkil tirlik-tynysy tikeleı ǵarysh­pen baılanysty ekenin, kóp ıgilikti iske ǵarysh tehnologııasy uıytqy bolyp otyrǵanyn tilge tıek etti. Ǵaryshqa jumsalǵan qar­jynyń qaıtarymy esh ketpeıtinin, bolashaqta jer baılyǵyn ǵarysh baılyǵy almas­tyra­ty­nyna naqty dáıekter keltirdi. Biz qashanda alǵa umtylyp, keler kúnnen úmitin úzbegen ulttyń ur­paǵymyz. Ǵarysh álemin baǵyn­dyrý úshin úlken ázirlikter qajet. Ásirese, kadr daıyndaý, ǵarysh­tyq bazany jetildirý, sóıtip, otandyq ǵarysh júıesin qurý ar­qyly álemge tanylamyz, degen ǵaryshker taıaý ýaqytta «Qaz­sat-2» jer seriginiń kókke kóteri­letinin, «Qazsat-3» boıynsha daıyndyq jumystarynyń júrip jatqanyn atap ótti. Ulttyq baı­lyq bolyp esepteletin «Baı­qońyr» ǵarysh aılaǵy týraly da óz tujyrymyn bildirdi. Eldiń eńsesin kóterip, aby­roıyn asyratyn ǵarysh álemi jaı­ly ǵaryshkerdiń dárisinen keıin stýdentter alýan túrli suraq­tar qoıyp, oǵan naqty jaýaptar aldy. Ásirese, olardyń bolashaq qazaq ǵaryshkerleri týraly oı-baılam­dary erekshe estilip jat­ty. Eldi súıý, Otandy qadirleýdiń úlgisi bo­larlyq ǵarysh álemine talpynsaq degen tilekter de aıtylmaı qalǵan joq. Suraq­tar­dyń arasynda Más­keý avıasııa ınstıtýtyn bitirip kelip, qazir synaq merziminde júrgen symbatty jas jigittiń: «Men aldaǵy ýaqytta jumysqa qabyl­danamyn ba?» degen sura­ǵyna agenttik tóraǵasy naıza us­taǵan batyrdaı jarq etip: «Qajet mamandyq ıesi nege qabyldan­baıdy?» dep tıisti adamǵa birden tapsyrma berdi. Onyń bul aza­mattyq sheshimine zal toly jurt dýyldata qol soǵyp, qoshe­met kórsetkende mamandy­ǵyna qara­maı, adamyn ańdyp asyq­paıtyn qosshydan talǵamy myq­ty, ta­lantty tap basyp tanıtyn basshy artyq pa degen oıǵa den qoı­ǵanymyz anyq. Dáris sońynda ýnıversı­tettiń prorektory, akademık Rahmetqajy Bersinbaı qazaq ǵa­ryshkerine úlken iltıpat kór­setse, stýdentter óleńnen shashý shashty. Súleımen MÁMET.