Altynnan alqa taqqan

«RAHAT» BRENDI  RESEIDE  ÚZDIK  ATANDY Jýyrda Máskeýde ót­­ken halyqaralyq, bedeldi baıqaýda «Rahat» kondıterlik fab­rı­ka­sy ónim sapasy­nyń jo­ǵa­ry­lyǵy úshin bas júl­de men toǵyz altyn medaldi jeńip aldy. Qa­zaqstan­dyq­tarǵa keńi­nen tany­mal shokoladtar men kám­­pıtterdi bedeldi sa­rap­shylar ǵana emes, reseılik qara­paı­ym tutynýshylar da joǵary baǵalady. Qazirdiń óz­inde shyǵarylatyn ónimniń 5 paıyzdan asta­myn aksıonerlik qoǵam kórshi Reseıge jiberedi. «Rahat» kondıterleri úshin Kedendik odaqqa kirý tosyn jaıt bola qoıǵan joq. Olar Reseıdiń kóterme saýdamen aınalysatyn satyp alý­shy­larymen burynnan baılanys or­nat­qan bolatyn jáne shekaradan ótý qıyndyqtaryna qaramastan, óz ónim­derin elimizge taıaý jatqan Reseı aımaqtaryna jetkizetin. Endi kedendik rásimder jeńildetilip, ákimshilik kedergiler joıylǵan kezde múmkin­dikter aýqymy keńeıdi. Reseı jeri ulan-ǵaıyr desek te, logıstı­ka­nyń keń kómeıi ónim qunyn artty­ra­tyn­dyqtan, kondıterler shekaraǵa ja­qyn aımaqtardy tańdady. Mine, endi Reseıdiń 4 iri qalasy – Omby, Novosıbırsk, Chelıabınsk, Barnaýl men olar ornalasqan oblystardyń tur­ǵyn­dary Qazaqstannyń tátti ónim­derin satyp alý múmkindigine ıe. – Árıne, buǵan buqaralyq aqpa­rat quraldarynda birneshe satyda, belsendi túrde ótkizilgen jarnama naýqany, konferensııalar men kór­melerge qatysý, ónimdi sertıfıkattaý boıynsha atqarylǵan, ony kór­shiles el jaǵdaıyna beıimdeýge baı­lanysty júrgizilgen jumystar izashar boldy, – deıdi «Rahat» AQ marketıng jónindegi dırektory Olga Gordıenko. – Bizdiń ónimimizdiń taralýyna bul óńirdegi tyǵyz dostyq, otbasylyq baıla­nys­tar, sondaı-aq Keńes Odaǵy kezinen saqtalǵan, dástúrli qarym-qaty­nastar kóp septigin tıgizdi. Jarnamalyq qyzmetti qarqyndy júrgizýge múm­kindik beretin, shyǵyndardy ishinara óteý jo­lymen syrtqy rynokqa shyǵýda memlekettiń aı­tarlyqtaı qoldaý kórsetip otyrǵanyn aksıonerlik qoǵam rızashylyqpen jetkizdi. Jańa aımaqtarǵa enýde mundaı marketıngtik saıasatty qoldaný óz jemisin berip te úlgerdi. Eger Kedendik odaqqa deıin Reseıge jetkiziletin taýar kólemi óndiriletin barlyq taýar kóleminiń 0,47 paıyzyn qurasa, qazir bul kórsetkish 5,2 paıyzdy quraıdy. «Rahat» brendi tanymal, soǵan oraı sibirlikter de tek ataýy tanys kámpıtterdiń sapasyn baǵalap qoımaı, «Qyzyl tań», «Áıgerim», «Balapan», «Aı­tys», «Gaýhar» dep atalatyn kámpıtterge de jo­ǵary baǵa berdi. Halyqaralyq sarapshylar da kom­panııanyń ón­im sapasyn jáne shy­ǵar­ma­shylyq izdenisin atap kórsetti. Naý­ryz­dyń so­ńynda Más­keýdegi Ha­lyq­aralyq ón­er­kásip aka­de­mııa­syn­da «Rahat» AQ delega­sııa­sy qatys­qan, «HHI ǵa­syrdyń kondıterlik ónimderi» segizinshi halyq­aralyq kon­ferensııa ótti. Reseıdiń, Bela­rýs­tiń, Qazaq­stan­nyń, Ýkraına­nyń 27 óńirinen, alys shet elderden kelgen 240 maman kondıterlik ón­diris sala­syn­daǵy negizgi aǵym, jańa teh­nolo­gııa­lardy paıdalaný másele­le­rin, shıkizat pen qospa­lar­dyń ár túrin qoldaný múmkin­dik­terin tal­qy­laýǵa qatysty. Konferensııa sheńberinde halyq­aralyq sapa baıqaýy ótkizildi. Onda qatysýshy-kásiporyndardyń 130-ǵa jýyq ónim úlgisi qoıyldy. «Rahat» AQ-nyń tehnologtary men óndi­rý­shileri sapalyq turǵydan baǵalaýǵa kondıterlik ónimderdiń qymbat ká­de­syılyq túrlerin usynbaı, kúnde­likti tutynatyn 9 túrin kórsetti. Sapany baǵalaý keshendi túrde júr­gizildi. Qoıylǵan ónimderdi ashyq túrde kórsetip, qalaǵandardyń bar­ly­ǵyna dám tatqyzý arqyly tuty­nýshylar pikiri tyńdaldy. Buǵan qosa osy sala­nyń, RF Aýyl­sha­rýa­shylyǵy mınıstrligi, kondıterlik ónerkásip MǴM ǴZI, Halyqaralyq óner­kásip aka­demııasy, «Askond» kondıterler assosıa­sııala­ry­nyń maman­dary sapany baǵalaýdyń qatań kásibı qaǵıdalary – syrtqy kórsetkishter, paıda­lanyl­ǵan kom­po­nent­terdiń sáıkestigi, qaptamada berilgen má­li­metterdiń tolyqtyǵy men basqa da mańyzdy kór­setkishter boıynsha jabyq túrde dámge saraptama jasady. «Rahat» ónimderiniń 9 ataýy da «Joǵary ónim sapasy úshin» altyn medalimen marapattaldy. Olar­­­dyń qatarynda «Rahat 65%», «Rahat 75%», «Rahat 80%» shokoladtary, «Rahat», «Trıýfel­nye», «Magııa», «Maska», «Elegııa» kámpıtteri, «Ra­­hat» karameli bar. Júldeli shyńdardy osyn­sha­lyqty ta­bys­pen, batyl túrde baǵyndyrý mundaı bedeldi kásibı forým úshin aıtýly oqıǵa boldy. Baıqaý nátıjeleri men kondıterlik ónimderdiń tutyný deńgeıin jaq­sartý salasyndaǵy únemi izdenisi, eren eńbegi úshin «RAHAT» aksıonerlik qoǵa­my «Joǵary ónim sapasy úshin» bas júldesin jeńip aldy. Venera TÚGELBAI.