Sırııa daǵdarysyn sheshýge qosylǵan úles

Astana tórinde taraptar atysty doǵarý rejiminiń saqtalý barysy, osy rejim­niń buzylýyna monıtorıng jasaýdyń úshjaqty tetik­terin jetildirý, bitimge qosyl­ǵan aımaqtardaǵy ahýal, tut­qyn­darǵa qatysty máli­metter almasý máseleleri, qarý­lanǵan oppozısııa men terro­rısterdiń ara-jigin anyq­taýdy qam­ta­masyz etý máse­leleri tal­qylandy. Sondaı-aq, IýNESKO Dúnıejúzilik mádenı mura­larynyń Sırııa­daǵy nysandaryn mınadan tazartýǵa halyqaralyq qoǵam­dastyqtyń kómegi qajettigi sóz boldy.

Eki kúnge sozylǵan kelis­sózder qorytyndysy boıynsha ta­raptar birlesken málimdeme qabyldady. Atalǵan qujatta taraptar ózderiniń atysty do­ǵarý rejiminiń saqtalýyn qol­daıtyndaryn jetkizdi. Olar BUU aıasyndaǵy Jeneva kelissózderin tolyqtyrýshy ári nyǵaıtýshy retinde As­ta­na prosesiniń mańyzy jo­ǵary ekenin aıryqsha atap kór­setti. 23 naýryzda Jeneva kelis­sózderiniń jalǵasyn tabatynyna rızashylyqtaryn bildirdi.

Osy kelissózder kezinde taraptar 3-4 mamyrda As­tana­da kelesi joǵary deńgeı­degi kez­desýdi ótkizýge jáne 18-19 sáýirde Tegeranda sarap­shy­lyq deńgeıdegi aldyn ala kon­sýltasııa ótkizýge ýaǵda­las­ty. Elorda tórinde eki kúnge sozyl­ǵan kelissózderge qa­tys­qan ta­raptar osy kezdesýdi uıym­das­tyrǵany úshin Qazaq­stan Pre­zıdenti men el Úkime­tine alǵys bildirgenin atap ótken jón.

Elimizdiń syrtqy saıasat vedomstvosy habarlaǵandaı, Qazaqstan tarapy elordada ótken kezdesýdi Sırııa daǵ­darysyn saıası retteý pro­sesine qosylǵan naqty úles dep baǵalady.

Arnur ASQAR,
«Egemen Qazaqstan»