Bir qaraǵanda eshqandaı ózgesheligi joq sekildi kóringenimen, foto, beıne kameralarǵa túsirgende, sýretterge jan bitkendeı áser qaldyrady. Kórmeniń tartymdy tusy – murajaıǵa kelýshiler ekspozısııanyń bir bóligine aınalady. Mýltfılm keıipkerleri, týǵan jer tabıǵaty, ǵalamdaǵy ǵajaıyp qubylystar kórsetilgen jıyrmadan astam sýret balalardy ǵana emes, eresekterdi de qyzyqtyrdy.
– Aldaǵy ýaqytta sýretterdi alystaǵy aýyldarǵa da aparyp, kórsetemin, – deıdi Orynǵalı Sarıev. – Bir aıdan astam ýaqyt oblys ortalyǵynyń turǵyndary men qonaqtary kórmeni tamashalady. Qyzyǵýshylyq kóp ekenin ańǵardym, endi osy baǵyttaǵy jumystarymdy jetildirip, taǵy da jańa kartınalar salǵym keledi.
Jas kásipker buǵan deıin Mahambet aýdanynda jarnama agenttigin ashqan. Endi bıznesin keńeıtip, zaman talabyna saı jańalyqtar engizýge nıetti.
Baqytgúl BABASh,
«Egemen Qazaqstan»
ATYRAÝ
Sýretti túsirgen
Nurbeıbit Nuǵmanov
