Astanada bir kúndik oqý aqysy byltyrǵydan 0,7 paıyzǵa qymbattap, 1731 teńgege jetse, Almatydaǵy bul kórsetkish 9,4 paıyzǵa arzandap, 1454 teńgege tústi.
Arzandaý qarqyny jaǵynan ekinshi oryndaǵy Kókshetaý qalasynda balabaqsha men shaǵyn ortalyqtardyń bir kúndik qyzmeti 3,9 paıyzǵa arzandap, 562 teńgeni qurady.
Qazaqstan boıynsha eń arzan balabaqsha men shaǵyn ortalyqtar Taraz qalasynda tirkeldi. Ondaǵy baǵa táýligine 518 teńge. Bul ótken jylǵy kórsetkishpen salystyrǵanda 38,1% artyq.
Jalpy, 2016 jyly Qazaqstan boıynsha balabaqsha jáne shaǵyn ortalyqtar qyzmeti 29,8 paıyzǵa qymbattaǵan.
Al kórsetilgen qyzmettiń 77,2 paıyzy bıýdjet esebinen tólense, 22,7 paıyzyn ata-analar tólegen, al 0,2 paıyzynyń qunyn kásiporyndar óz moınyna alǵan.
Mektepke deıingi oqytý mekemeleriniń menshik túrine keler bolsaq, olardyń 73,1%-y memlekettik uıymdar bolsa, 26,7%-y jeke menshik kompanııalar, taǵy 0,2%-y sheteldik kásiporyndar. 2015 jylǵy statıstıkada memlekettiń uıymdar 76,2 paıyz bolsa, jeke menshik kompanııalar 23,5%-dy quraǵan edi. Balabaqsha qyzmetiniń memlekettiń mekemelerden jeke menshikke aýysýyn sarapshylar memlekettik-jeke menshik áriptestik baǵdarlamasynyń jemisi dep túsindiredi.
Jalpy, sońǵy úsh jylda bıznesmenderdiń balabaqsha salasyna kóńil aýdara bastaǵany baıqalady. Sońǵy úsh jylda memleket 40 myń oryndyq 189 balbaqsha salsa, kásipkerler 100 myń oryndyq 1,3 myń balabaqsha men shaǵyn ortalyqtar salǵan. Sonyń ishinde eń kóp balabaqsha OQO, Almaty oblysy men Qyzylorda oblysy.
