«Men qaıda bolsyn barýǵa daıynmyn. Qazaqstanda ótýi múmkin jekpe-jek jaıly
oılap, alańdamaımyn. Golovkınmen tipti, dalada bolsyn aıqasýdan qashpaımyn. Ol WBO
belbeýin qalaıdy ma, men ony ortaǵa salamyn», - dedi brıtan boksshysy.
«Golovkınniń myqtylyǵyna kúmán keltirmeımin. Biraq ol áli men sııaqty boksshymen judyryqtasqan emes. Djeıkobs oǵan laıyqty qarsylyq kórsete bildi. Biraq Denı meniń deńgeıimdegi boksshy emes», - dedi Sonders.
34 jastaǵy Golovkınniń orta dıvızıonda absolıýtti chempıon atanýy úshin tek WBO belbeýi jetpeı tur. Aldaǵy kúnderi Golovkın men Sonders ókilderi jekpe-jek jóninde kelissózder ótýi tıis. Aldyn-ala málimetter boıynsha boks keshi 17 maýsym kúni Astanada ótýi múmkin.
Aıta keteıik, keshe qazaqstandyq boksshy amerıkalyq Denıel Djeıkobspen 12 raýndtyq kezdesý ótkizip, tóreshilerdiń biraýyz sheshimimen jeńiske jetti.
