Oblystyq qazaq drama teatrynyń jas ártisteri jáne oblystaǵy ónerpaz jastardyń kúshimen ótken shara halqymyzdyń jarasymdy dástúrin jańǵyrtqandaı boldy. Ertede úlken kisiler jol júrip ketkende, qyz-jigitterdiń bir úıge jınalyp, ótkizgen saýyq keshin «bastańǵy» dep ataǵan. Bul kúnde bastańǵynyń aty belgili bolsa da, zaty kónere bastaǵany taǵy shyndyq.
О́nerpaz jastar ázil-qaljyńǵa qurylǵan «Bastańǵy» keshinde halqymyzdyń umytyla bastaǵan dástúrlerin, rýhanı qundylyqtarymyzdy eske salyp otyrdy. Sonymen qatar jastyq dáýrenge saı jarasymdy kórinisterdi, ulttyq kıimderdiń sán úlgisin kórsetti. Árıne, kesh bolǵan soń, án men jyrǵa da keńinen oryn berildi. Jalpy keshtiń maqsaty da ulttyq qundylyqtardy nasıhattaýǵa arnalsa kerek. Sonymen qatar, kórermender keshte jańa talanttardyń esimin tuńǵysh estidi.
Oblysta birinshi ret ótkizilip otyrǵan kesh ulttyq naqyshqa, boıaýǵa baılyǵymen de kórermenderdi rıza etti. «Men óńirde «Bastańǵynyń» bastalǵanyna qýandym. Ulttyq qundylyqtarymyzdy nasıhattamasa kónere beretini, keıingi urpaqtyń ony múldem umytary haq.Maǵan búgingi jastardyń qazaqy qaljyńdary, ulttyq oıyndar men jastyq shaqqa tán jarasymdy minezderdi, birlikke, dostyqqa, shynaıylyqqa tárbıeleıtin salttarymyzdy kórsete bilgeni qatty unady» deıdi kórermen Baqytgúl Súleımenova.
«Bastańǵyǵa» jınalǵandardyń qarasy kóp boldy. Teatrdyń zaly lyq toldy. Án men jyrǵa, qazaqy ázil-qaljyńǵa shólirkegen jurtshylyq sahnadaǵy jastardy shapalaq uryp, qolpashtaýdan da ken de etken joq. Ulttyq dýman keshtiń ózegindeı bolǵan Aldardy jas akter Oljas Begaıdarov jaqsy alyp shyqty. Ulttyq dýmandy ótkizý jónindegi ónerli jas Gúlden Moldahmetovanyń bastamasyn oblystyq mádenıet basqarmasy da qyzý qoldady, al ssenarıin jýrnalıst, aqyn Abylaı Maýdanov jazdy.
«Bastańǵyny» tek Naýryzǵa telip qoımaı, aldaǵy ýaqytta ár merekede ótkizýdi oılastyryp otyrmyz. О́ıtkeni ýaqyttyń tyǵyzdyǵyna qaramaı, «Bastańǵynyń» ótýine Qostanaıdaǵy ánshi, kúıshi, aqyn jastardyń barlyǵy da atsalysty. Aldaǵy ýaqytta bul ulttyq dýmandy damyta túsetin bolamyz» deıdi Abylaı Maýdanov.
Názıra Járimbeova
«Egemen Qazaqstan»
