Bul qalada bıylǵy Naýryz merekesi keń aýqymda, aıryqsha atalyp ótkeni belgili. Oǵan sebep, Túrkistannyń bıyl Túrki áleminiń mádenı astanasy bolyp jarııalanýy jáne oǵan baılanysty saltanatty jıynnyń Naýryz meıramymen tuspa-tus kelýi.
Qasıetti Túrkistandaǵy bul Naýryz jurtshylyqtyń erekshe nazaryn aýdardy. 21 naýryz kúni oblys ákimi Janseıit Túımebaev «Túrkistan - Túrki áleminiń mádenı astanasy» sharasyn saltanatty túrde ashyp, Naýryz merekesine arnalǵan Túrki áleminiń «Naýryznamasyna» qatysqan bolatyn. Atalǵan sharaǵa 23 memleketten kelgen 300-ge tarta sheteldik qonaqtar, halyqaralyq uıym ókilderi, qazaqstandyq zııaly qaýym jáne óner tulǵalary, buqaralyq aqparat quraldary men ońtústikqazaqstandyq turǵyndar, ıaǵnı, jalpy sany 10 myńǵa jýyq adam qatysty. Olardyń ishinde, QR Mádenıet jáne sport mınıstri Arystanbek Muhamedıuly men «TÚRKSOI» Halyqaralyq Uıymynyń Bas hatshysy Dúısen Qaseıinov jáne ár eldiń joǵary laýazymdy resmı ókilderi bar.
Merekelik sharalardan túsirilgen vıdeorolıkti Ońtústik Qazaqstan oblysynyń ákimdigi júktegen. Onda Túrkistandaǵy Naýryzda Mádenıet jáne aqparat mınıstri Arystanbek Muhamedıuly men oblys ákimi Janseıit Túımebaevtyń merekede bılep, án salǵan halyq ishinde júrgeni kórinedi.
