Munaıshylar qıyn sátte qoldaý kórsetti

«QazMunaıGaz» Barlaý О́ndirý» aksıonerlik qoǵamynyń qyz­met­kerleri Elbasynyń Batys Qazaqstan oblysy halqyna kómek kórsetýge shaqyrýyna ún qosty. «Nur Otan» HDP QMG BО́ ortalyq apparatynyń partııalyq toby el Prezıdenti Nursultan Nazarbaevtyń úndeýine kompanııanyń barlyq qyzmetkerlerine ózderiniń ún tastaýyn usyndy. Elbasy onda sý tas­qynynan zardap shekken halyqqa qazaqstandyqtardy kómek kórsetýge shaqyrǵan bolatyn. «Kelińizder, qoldaýǵa naqty muqtajdardyń barlyǵyna járdem qolymyzdy sozaıyq. Barlyq qazaqstandyqtardyń naǵyz baýyrlas­tyǵy osylaısha ǵana bekı túsetin bolady. Adamdar qaza tapqan Qyzylaǵashta osylaı boldy. Barlyǵy ún qatty, adamdar sońǵy saılaýdaǵydaı birlik tanytty, biz tekke jumys istemeıtinimizdi kórsettik», dedi ótken dúı­senbide Qazaqstan halqy Assambleıasynyń XVII sessııasynda Elbasy. QMG BО́ bas dırektory Askar Baljanov Atyraý oblysyna osy aptada barǵan saparynda jáne «Jylyoımunaıgaz», «Qaınar­mu­naı­gaz», «Dossormunaıgaz» munaı-gaz óndirý basqarmalarynyń eńbek ujym­da­rymen jáne basqa munaıshylarmen kezdesý kezinde ol zardap shekken otandastarymyzǵa bir kúndik jalaqylaryn aýdarý bastamasyn kóterdi. Memleket basshysynyń, «Nur Otan» partııasynyń shaqyrýlaryn jáne ózderiniń áriptesteriniń bastamalaryn QMG BО́ ortalyq appa­ratynyń qyzmetkerleri, Atyraý oblysyndaǵy «Embimunaıgaz» jáne Mańǵystaý oblysyndaǵy «О́zenmunaıgaz» óndiristik fılıal­da­rynyń, sondaı-aq enshiles jáne táýeldi uıymdardyń qyzmetkerleri qoldady. Sý tasqynynyń saldaryn joıý úshin kómek qoryna bir kúndik jalaqy aýdarylatyn boldy. Apat aımaǵynda qalǵan adamdarǵa qoldaý kórse­tý­ge aldyn ala esepter boıynsha, keminde 50 mıllıon teńge jiberiledi.