Bizde jyl qorytyndysy ádette Jańa jyl qarsańynda jasalyp, úzdikter marapattalyp jatady. О́kinishke qaraı, qazaqtyń Jańa jyly sanalatyn Áz-Naýryzda mundaı sharalar sırek uıymdastyrylady. Alaıda, sońǵy jyldary mańyzdy sharalardy ulyq mereke qarsańynda ótkizýdi dástúrge aınaldyryp kele jatqan aýdandar da bar. Máselen, Jarma aýdanynda bıyl Naýryz meıramyn toılaý barysynda bilim, densaýlyq saqtaý, mádenıet, sport, aýyl sharýashylyǵy, qarjy, quqyq qorǵaý organdary, memlekettik qyzmet salasynyń úzdikteri jyl qorytyndysy boıynsha «Jyl úzdigi» tósbelgilerine ıe bolyp, qurmetke bólendi. Aýdan ákimi Nurlan Sydyqov jurtshylyqty ulyq merekemen quttyqtap, marapattardy tabys etti. Bul kúni ortalyq alańda 15 kıiz úı tigilip, onyń ishi EKSPO-2017 kórmesine oraı qazaq halqynyń turmys-saltyn beıneleıtin jádigerlermen bezendirildi.
Mádenıet úıiniń ónerpazdary jurtshylyq nazaryna merekelik qoıylymdar men teatrlandyrylǵan kórinister usyndy. Qazaq halqynyń ejelden jalǵasyp kele jatqan oıyn-saýyq túri «Altybaqan» basyndaǵy jastardyń án-dýmany merekeniń ajaryn ashyp, sánin keltire tústi. Alańǵa jınalǵandar arqan tartý, qol kúresi jáne gir tasyn kóterýden saıysyp, merekeniń kórigin qyzdyrdy.
Azamat QASYM,
«Egemen Qazaqstan»
Shyǵys Qazaqstan oblysy
