Osyǵan deıin qos tarap jekpe-jek jóninde kelissózder júrgizip jatqany belgili boldy. Ortaq ymyraǵa keler bolsa, boks keshi Astana qalasynda EXPO-2017 kórmesiniń aıasynda ótýi múmkin.
О́z kezeginde Djo Sonders Golovkınmen Qazaqstanda judyryqtasýǵa daıyn ekenin ári kelisimshartty tezirek usynýy kerektigin málimdedi. Sebebi, qalypty deńgeıine shyǵý úshin jattyǵýǵa kirisýi qajet ekenin alǵa tartty.
«Qazir kelisimshartty kútip otyrmyn. Golovkınnen ázirge eshqandaı habar joq. Osy aptanyń sońyna deıin ǵana kútemin. Eger birneshe kúnniń ishinde eshnárse ózgermese, promoýterim Frenk Ýorrenge basqa qarsylas izdeýin suraımyn. Artyq salmaǵym bolyp, qalypty deńgeıimde bolmaǵan kezderi meni sharshy alańǵa shaqyratyndar kóbeıip ketedi, al bári óz ornyna kelgende kúsh synasqysy keletin adam tappaı qalamyn», – dedi brıtan boksshysy.
«Kelisimshart máselesi tezirek aıaqtalsa eken deımin. О́z kareramdy ary qaraı órletýim kerek. Orta salmaqtaǵy barlyq belbeýlerdiń basy qosylǵan jekpe-jek ótkizý kimge bolsyn arman. Mundaı aıqas ótkizgim keletinin jasyrmaımyn. Osy úshin Qazaqstanǵa barýǵa daıynmyn. Golovkınniń menimen kúsh synasqysy keletinin naqtyraq bilgim keledi», – dedi Sonders.
«Meniń bilýimshe, boks keshin Qazaqstanda ótkizýdiń belgili bir sebepteri bar. Buǵan eshqandaı qarsylyǵym joq. Qaıta ózge elde jaqsyraq judyryqtasamyn. Trıbýnadaǵy jankúıerlerdiń qarsylasymdy qoldaýy maǵan keri áserin tıgizbeıdi», – dedi ol.
«Kóbisi Golovkınniń sońǵy aıqasyn kórip, onyń shama-sharqyna shek keltirip júr. Qazaqstandyq boksshynyń jasy kelgenin ári burynǵy deńgeıde emestigin jarysa aıtýda. Biraq ol bilikti sportshylardyń biri. О́ziniń kúshin áldeqashan dáleldep qoıǵan. Árıne, onymen kezdesýimiz ótetin bolsa, qatelik jibermeýim qajet. Qolymnan kelgenniń bárin jasaýǵa daıynmyn. Gennadııdi qalaı jeńý kerektigin jaqsy bilemin», – dedi Bıllı Djo Sonders.
«GGG osyǵan deıin meniń esimimdi atap birneshe ret ázildegenin bilemin. «Brıtan boksshylary qalam ustaýdy umytyp qalǵan, sondyqtan kelisimshartqa qol qoıǵysy kelmeıdi», degen. Biraq mine, men osy isti sheship, naqty kúndi belgileý úshin aldyna kelip turmyn. Onyń barlyq shartyna kelisip, ózim eshnárseni talap etpedim. Olarǵa tek qansha aqsha alǵym keletinin jetkizdim. Gennadııdiń ókilderi kelisti, bar talabym sol ǵana», – dedi brıtan boksshysy.
«Mende orta salmaqtaǵy belbeýdiń biri bar ekenin umytpaıyq. Ony ortaǵa qoıýǵa daıynmyn. Eger Gennadıı bul jekpe-jekti qalasa, men bárine daıynmyn», – dedi Sonders.
Osyǵan deıin ESPN telearnasynyń sarapshysy Den Rafael bul boks keshinen Golovkınniń qansha paıda tabýy múmkin ekendigin málimdedi. Onyń aıtýynsha qazaqstandyq bylǵary qolǵap sheberi 10 mıllıon dollar kóleminde syıaqy almaq. Denıel Djeıkobspen aıqasynda oǵan 2,5 mıllıon dollar berilgen. Al eń joǵarǵy syıqasyn byltyr Kell Brýkpen aıqasynda alǵan, ıaǵnı 4 mıllıon dollardan astam somany quraıdy.
Golovkın Sonderspen jekpe-jek jóninde ortaq kelisimge kele almasa, ornyna basqa boksshynyń tabylǵany da belgili boldy. Ol – ekinshi orta salmaqtaǵy IBF tıtýlynyń ıegeri Djeıms DıGeıl.
