«Qazaqstanda Golovkınmen judyryqtasýǵa qarsy emespin. Bul maǵan asa qatty qıyndyq týdyrmaıdy. Jekpe-jek jóninde kelisimshartqa qol qoıýǵa daıynmyn. Juma kúnge deıin Gennadııden habar kútemin. Eshnárse ózgermese basqa qarsylas izdeımin. Kareramdy jalǵastyrýym kerek», – degen edi Bıllı Djo Sonders.
«Bul keremet qoı. Ol sózinde tursa bolǵany, biz bárine daıynbyz», – dedi Arystanbek Muhamedıuly Úkimet otyrysynan keıingi tilshilerdiń qoıǵan suraǵyna.
Aıta keteıik, qos boksshy qazirgi ýaqytta Qazaqstanda jekpe-jek uıymdastyrý jóninde kelissózder júrgizip jatyr. Boks keshi Astanada EXPO-2017 kórmesi aıasynda ótýi múmkin.
