Sapar aıasynda B. Saǵyntaev Memleket basshysynyń Qazaqstannyń úshinshi jańǵyrýy atty Joldaýyn iske asyrý barysyn tekseredi. Premer-Mınıstr baǵdarlamasynda iri ónerkásiptik kásiporyndardy, óndiristik kompanııalardy, bilim berý mekemelerin jáne turǵyn-úı nysandaryn aralaý josparlanǵan, dep habarlaıdy pm.kz.
Kompanııalar, memlekettik organdar jáne salalyq qurylymdardyń basshylarymen kezdesý barysynda Baqytjan Saǵyntaev «Nurly jer» turǵyn-úı qurylysy baǵdarlamasynyń iske asyrylý barysyn jáne el ekonomıkasynyń, jalpy qurylys salasynyń keleshegin talqylaıdy. Budan ózge, «Atameken» Kásipkerler palatasynyń óńirlik keńesimen jáne Batys Qazaqstan agrarlyq-tehnıkalyq ýnıversıtetiniń stýdentterimen iskerlik keńes ótkizý josparlanǵan.
Aıta ketý kerek, Batys Qazaqstan oblysy respýblıka úshin mańyzdy ónerkásiptik mańyzǵa ıe. О́ńirdiń munaı jáne gaz óndirý, munaı ónimderin qaıta óńdeý, mashına jasaý kásiporyndary, metallýrgııa, qorǵanys, taý-ken óndirisi, tigin jáne azyq-túlik salalarynda ónerkásibi bar.
Eske sala keteıik, QR Premer-Mınıstri elimizdiń óńirlerine jumys saparlaryn jalǵastyrýda. Bastapqyda Baqytjan Saǵyntaev jumys saparymen Shyǵys Qazaqstan oblysyna barǵan bolatyn.
