Ulttyq bank ókilderiniń habarlaýynsha, buǵan deıin aǵynnyń eń joǵarǵy kórsetkishi 13,1 mıllıard AQSh dollary bolǵan jáne bul kórsetkish 2008 jyly tirkelgen edi.
"Sheteldik tikeleı ınvestısııalardyń rekordtyq aǵyny 2016 jyly Qazaqstan tólem balansyn qarjylandyrýdyń negizgi qarjy kózi boldy", - dep túsindirdi QRUB ókilderi.
Qarjy retteýshisiniń derekteri boıynsha, 2016 jyly sheteldik tikeleı ınvestısııalardyń (ShTI) Qazaqstanǵa jalpy aǵyny 2015 jylmen salystyrǵanda 40 paıyzǵa ulǵaıyp, 20,6 mıllıard AQSh dollary boldy. Taý-ken ónerkásibi, geologııalyq barlaý jáne izdestirý qyzmeti jáne óńdeýshi ónerkásip ShTI-di negizgi alýshylar boldy.
"ShTI aǵyny quraýyshtarynyń biri beırezıdentterdiń kiristerin qaıta qarjylandyrýy boldy, onyń kólemi 2016 jyly 4,9 mıllıard AQSh dollarynan asty. Birlesken qazaqstandyq kásiporyndar kiristeriniń ósýimen qatar sheteldik ınvestorlar kásiporyndardyń óndiristik qyzmetin qarjylandyrý úshin elde qaldyratyn óz paıdalarynyń úlesin ulǵaıtty", - dep atap ótti Qazaqstan Ulttyq bankiniń ókilderi.
