Shırek ǵasyr ishinde memleketterimiz arasyndaǵy qatynastar jaqsy deńgeıge kóterildi: ekijaqty baılanystar damýda, elderimizdiń syrtqy saıasat jáne beıindi vedomstvolary arasyndaǵy yntymaqtastyq nyǵaıýda, sharttyq-quqyqtyq baza keńeıýde, Astana halyqaralyq qarjy ortalyǵyn qurý sheńberinde halyqaralyq qarjy salasyndaǵy ózara is-qımyl ilgerileýde.
Qazaqstan Irlandııanyń halyqaralyq ınvestısııalardy tartý jáne joǵary tehnologııalar, kommýnıkasııa men aýyl sharýashylyǵy salalaryndaǵy transulttyq kompanııalardyń jumysy úshin qolaıly jaǵdaılar jasaý boıynsha zor tájirıbesine qyzyǵýshylyq tanytady. Kópjaqty yntymaqtastyq pen halyqaralyq uıymdar sheńberindegi ózara qoldaý kórsetý de Qazaqstan-Irlandııa qatynastarynyń asa mańyzdy bóligi bolyp tabylady.
Jalpy, ekijaqty yntymaqtastyqtyń zor áleýetin nazarǵa ala otyryp, Qazaqstan Irlandııamen jan-jaqty qatynastardy kúsheıtýge jáne keńeıtýge baǵyttalǵan syrtqy saıası baǵdar ustanatyn bolady, dep atap kórsetilgen kommıýnıkede.
«Egemen-aqparat»
