Foto: Oblys ákimdigi
Keńes barysynda Tótenshe jaǵdaılar departamenti, Polısııa departamenti jáne ózge de jaýapty basqarmalar basshylary qazirgi jaǵdaı jóninde baıandama jasady. Qabyldanǵan sharalardyń nátıjesinde ákimdik ǵımaraty tolyqtaı elektr jelisinen ajyratylǵan.
О́ńir basshysy jaǵdaıdyń mańyzyn atap ótip, memlekettik organnyń qyzmeti toqtap qalmaýy tıis ekenin jetkizdi.
«Ákimdik – jaı ǵana ǵımarat emes, bul óńirdiń tutastaı basqarý júıesin júzege asyratyn nysan. Munda árbir turǵynnyń ómirine áser etetin mańyzdy sheshimder qabyldanady. Búgin biz tótenshe jaǵdaımen betpe-bet keldik, alaıda eń bastysy – qyzmetkerlerdiń qaýipsizdigi bizdiń basty nazarymyzda tur. Barlyq qyzmet úılesimdi jumys júrgizip jatyr. Biz ákimdik jumysynyń qysqa merzimde qalpyna kelýin qamtamasyz etip, jaǵdaıdy joıý barysy týraly turǵyndarǵa tolyq aqparat beremiz», dedi Ashat Shaharov.
Jıyn qorytyndysynda oblys ákimi birqatar naqty tapsyrma berdi. Atap aıtqanda, ákimdik aýmaǵyndaǵy qaýipsizdik sharalaryn kúsheıtý, órttiń saldary tolyq joıylǵanǵa deıin jedel qyzmetterdiń táýlik boıy kezekshiligin uıymdastyrý, sondaı-aq órttiń shyǵý sebebin anyqtaý úshin jan-jaqty tekserý júrgizý mindetteldi.
Qazirgi tańda jaǵdaı baqylaýǵa alynǵan. Tıisti qyzmetter órttiń saldaryn joıý jáne onyń sebepterin anyqtaý baǵytynda keshendi jumys júrgizip jatyr.
