Atalǵan elderdiń syrtqy ister mınıstrleri AQSh-tyń Memlekettik hatshysy Reks Tıllersondy Sırııany qoldaýdan bas tartýǵa kóndirmek. Tıllerson «Úlken jetilik» sammıtinen soń Sırııa boıynsha kelissózder júrgizý úshin Máskeýge barady dep kútilýde.
Degenmen, jıyn barysynda G7 Reseı men Sırııaǵa qarsy jańa sanksııalar engizýge baılanysty ortaq kelisimge kele almady. Sonymen qatar bul elderdiń barlyǵy Sırııanyń prezıdenttik bıligine Asad kelgeli jaǵdaıdyń ýshyǵa túskenin aıtty.
Brıtan úkimetiniń ókilderi Reseı men Sırııaǵa qarsy sanksııa engizý úshin aldymen ótken aptadaǵy hımııalyq shabýyldy tolyǵymen zertteý kerektigin aıtýda. G7 tobynyń basqa músheleri de hımııalyq shabýyldyń naqty ári bultartpas dáleli bolmaı, sanksııa salýdy keıinge qaldyratyn bolyp sheshti. Al Italııanyń syrtqy ister mınıstri Andjelıno Alfano G7 Saýd Arabııasy, Iordanııa, Katar men Túrkııamen keńeskenin atap ótip, bul kelissózderdi «saıası jetistik» dep baǵalady.
О́tken aptada Reseı AQSh-tyń Sırııaǵa jasaǵan shabýylyn «agressııalyq áreket» dep aıyptaǵan bolatyn. Soǵan qaramastan AQSh memlekettik hatshysy óziniń reseılik áriptesi Sergeı Lavrovpen, tipti, prezıdent Vladımır Pýtınmen de kezdesýi múmkin.
Sarapshylardyń aıtýynsha, Tıllerson Asad pen Máskeýdiń arasyn alshaqtata almaıdy. Sebebi, Asad – Reseıdiń Taıaý Shyǵystaǵy mańyzdy áskerı jaqtasy. Sondaı-aq Reseı Sırııa prezıdentiniń bılikte qalýy úshin áskerı, saıası jáne qarjylyq qoldaý kórsetip keledi.
Daıyndaǵan Gúlnur Qýanyshbekqyzy,
"Egemen Qazaqstan"
