Shara barysynda «Nur Otan» partııasy Qyzylorda qalalyq fılıaly tóraǵasynyń birinshi orynbasary Shárip Ábdirahmanov atalǵan aksııa 1 aı boıy júrgizilip, onyń aıasynda UOS ardagerleri, asa muqtaj jalǵyzbasty tyl eńbekkerleri men qarııalardyń áleýmettik-turmystyq máseleleriniń jedel sheshilýi qolǵa alynatynyn, sondaı-aq UOS batyrlaryna arnap ornatylǵan eskertkishter men memorıaldy qalpyna keltirý jumystary júrgizilip, ardagerlerge degen qoldaýlar partııa jáne jasotandyqtar men eriktilerden quralǵan toptar tarapynan jan-jaqty kórsetiletinin atap ótti.
Dóńgelek ústel otyrysyna «Nevada-Semeı» QB Qyzylorda oblysy boıynsha ardagerler keńesiniń, «Aýǵan soǵysy ardagerleri men múgedekteri keńesi» qoǵamdyq birlestiginiń ókilderi, qalalyq ishki saıasat, qalalyq jumyspen qamtý jáne áleýmettik baǵdarlamalar bóliminiń mamandary qatysyp, usynys pikirlerin ortaǵa saldy.
Ardagerler partııanyń bul bastamasyna rızashylyqtaryn bildirip, aldaǵy ýaqytta osyndaı ıgi is-shara jalǵasyn taba berse eken degen tilekterin jetkizdi.
Erjan BAITILES,
«Egemen Qazaqstan»
QYZYLORDA
