Kezdesý barysynda oblys ákimi Itıro Kavabataǵa uzaq merzimdi áriptestik baılanysy úshin rızashylyǵyn bildirdi.
– Elimizde jýyrda bastalatyn «EKSPO-2017» halyqaralyq kórmesine Qyzylorda oblysy belsendi atsalyspaq. Aımaqtaǵy «Baıqońyr» ǵarysh aılaǵy men «Qorqyt Ata» memorıaldyq kesheni týrıstik nysandar tizimine engizilgen. Osy múmkindikti paıdalana otyryp, sizdi jáne japon halqynyń ókilderin kórme barysynda Syr eline kelip-qaıtýǵa shaqyramyn, – dedi oblys ákimi.
Sonymen qatar, aımaq basshysy Qyzylorda oblysynda ınvestorlar úshin barlyq qolaıly jaǵdaılar jasalǵandyǵyn jetkizdi.
Al, 20 sáýir kúni Itıro Kavabata bastaǵan japon delegasııasy Baıqońyr aılaǵynda «SOIýZ-MS» ǵarysh kemesiniń ushyrylýyna qatysyp, «Qorqyt Ata» memorıaldyq kesheniniń jumysymen tanysady dep josparlanýda.
