Bul sharaǵa «Nur Otan» partııasy janyndaǵy saıası taldaý jáne strategııalyq zertteýler ortalyǵy muryndyq boldy. Jıynǵa qatysqan mádenıettanýshylar, ulttyq kod – tilde, dástúrimiz ben saltymyzda dep esepteıdi. «Ulttyq rýhanııat úshin kúres qazaq halqynyń bolmysynda bar jáne ol ultpen birge jasaı bermek. Ulttyq sanany damytý jaıyn Elbasy úlken másele etip kóterdi. Jáne ol kez kelgen qaýip-qaterge tótep beretindeı bolýy kerek», deıdi jıynǵa qatysýshylar.
«Sarapshylar Prezıdenttiń rýhanı jańǵyrýǵa qatysty aıtqan syndarly ıdeıa-
laryn qyzý talqylap jatyr. Sebebi, bul óte mańyzdy taqyryp ekeni kóńilge erekshe dem beredi. Ýaqyttyń talabyna qaraı jańa sheshimderge jol ashatyn usynystarmen tolysýy kerek. Elbasynyń ult rýhanııatyn saqtap qalýǵa baılanysty qoıǵan mindetteri ýaqytynda qabyldanǵan sheshim dep sanaımyn», dedi «Nur Otan» partııasynyń hatshysy Farhad Qýanǵanov.
Osy aıtylǵan oı-pikirler eldikke degen eren yqylasty bildirgendeı.
Saparbaı PARMANQULOV,
«Egemen Qazaqstan»
ALMATY
