Korol men Ámirdiń qabyldaýlarynda boldy

Er-Rııad qalasynda Saýd Arabııa­sy­nyń Koroli Salman ben Áb­del Ázız Qazaqstan Respýb­lı­ka­sy­nyń Syrtqy ister mınıstri Qaırat Ábdirahmanovty qa­byldady. Syrtqy ister mınıstri Saýd Arabııasy Koroline 2017 jyl­ǵy 10-11 qyrkúıekte Astana qa­lasynda ótetin tarıhtaǵy al­ǵash Is­lam Yntymaqtastyǵy Uıymy­nyń ǵy­lym jáne tehnologııalar boı­yn­sha sammıtine Qazaqstan Res­pýb­lı­kasynyń Prezıdenti Nursultan Nazarbaevtyń shaqyrý hatyn tabys etti. Qazaqstandyq dıplomattyń só­zi­ne súıensek, Koroldiń Islam álem­i­n­degi eń iri memleketterdiń biri­niń bas­shysy retinde sammıtke qatysýy onyń tabysty ótýine mańyzdy úles qosady.

О́z kezeginde, Saýd Arabııasynyń Ko­roli shaqyrýǵa alǵysyn bildire otyryp, ony muqııat qarastyratyndyǵyna ýá­de berdi. Onyń aıtýynsha, Saýd Ara­­bııasy Qazaqstandy jaqyn ári mańyzdy memleket retinde qaras­ty­ra­dy jáne ekijaqty qarym-qatynasty da­mytý men nyǵaıtý qajet dep sanaı­dy.

Monarh Sırııada beıbitshilik pen qaý­ipsizdik ornatýda Astana pro­se­siniń mańyzdylyǵyn aıtyp, atalǵan ba­­­ǵyttaǵy Qazaqstan Respýblıkasy bas­shysynyń úlken úlesin aıtyp ótti.

О́z kezeginde mınıstr Qazaqstan ta­rapynyń Er-Rııadpen ózara tıimdi yn­tymaqtastyqty nyǵaıtýǵa degen umtylysyn aıtyp, Elbasynyń halyq­ara­­lyq bastamalary men memlekettiń áleýmettik-ekonomıkalyq da­mýyn­da­ǵy mańyzdy jobalardy qoldaǵany, Astana qalasynyń qurylysy men al­daǵy EKSPO-2017 kórmesine qa­ty­satyny úshin rızashylyq bildirdi.

Jarasymdy áńgimeni qorytyn­dy­laı kele, Saýd Arabııa­sy­nyń Koroli Pre­zıdent Nursultan Nazarbaevqa zor densaýlyq, baqyt, aldaǵy ýaqytta jumysyna tabys ti­ledi jáne barsha Qazaqstan halqyna ıgi tilegin jetkizýdi ótindi.

Syrtqy ister mınıstriniń Ký­veı­t­ke sapary aıasynda Qaı­rat Ábdi­rah­manovty Kýveıt Mem­le­ke­ti­niń Ámiri sheıh Sabah ál-Ahmed as-Sabah qabyldady. Kýveıt basshy­syna Astana qalasynda óte­tin Islam Yntymaqtastyǵy Uıymy­nyń ǵylym jáne tehnologııalar jó­nin­degi sammı­tine Qazaqstan Res­­pýb­­lıkasynyń Prezıdenti Nur­sul­tan Nazarbaevtyń shaqyrý ha­ty tabystaldy. Álemde bul Ta­ıaý Shyǵys eliniń kúrdeli halyq­ara­­lyq kezeńde bitimgerlik jáne gý­ma­nıtarlyq bastamalarǵa saıası ári qarjylyq qoldaý kórsetetin kon­st­rýk­­tıvti kúshterdiń biri retinde qa­ras­ty­rylatyndyǵy atap ótildi.

Ámir Qazaqstan Respýblıkasynyń Prezıdenti Nursultan Nazarbaevtyń shaqyrýyna rızashylyǵyn bildirdi, sonymen qatar, osyndaı sammıttiń ótýin qoldaıtyndyǵyn jáne oǵan qa­tysýǵa nıetti ekenin habarlady. Sondaı-aq, Kýveıt Astananyń bar­lyq beıbit maqsattaǵy bastamalaryn iske asyrýda senimdi seriktes bo­latyndyǵyn jetkizýdi ótindi. Eki el beıbitshilik pen qaýipsizdikti qamt­ama­syz etý úshin janjaldardy áskerı jol­men emes, beıbit bastamalar, gý­ma­nıtarlyq kómek, saıası prosester ar­qyly rettegendi jón kóredi.

Qaırat Ábdirahmanov Kýveıt Pre­mer-mınıstriniń orynbasary, Syrtqy ister mınıstri sheıh Sabah ál-Haled As-Sabahpen kelissóz júrgizdi. Jarasymdy áńgime barysynda ishki saıasat jáne óńirlik, jahandyq arenada ashyqtyq, ustamdylyq, to­leranttylyq prınsıpterin usta­nýda eki eldiń uqsastyǵy atap ótildi. Bul tur­ǵyda, taraptar Birik­ken Ulttar Uı­ymy sheńberinde yntymaqtastyq má­selelerin jáne Kýveıt memleketiniń 2018-2019 jyldary Qaýipsizdik Ke­ńe­sine múshe bolý kandıdatýrasyn tal­qylady.

Kýveıt Syrtqy ister mınıstr­li­gi­niń basshysy Qazaqstan Prezıdentiniń beı­bitshilik bastamasyn qoldaıtynyn jáne Qazaqstan elordasynda ótken Sırııadaǵy jaǵdaıdy retteý boıynsha kelissózder prosesine erekshe mán bere otyryp, halyqaralyq kúsh úshin qazirgi kezdegi kúrdeli janjaldardy ret­teýge baılanysty Astana róliniń mańyzdylyǵy artyp kele jatqanyn atap ótti.

Qaırat Ábdirahmanov óz kezeginde árip­tesine Kýveıttiń Azyq-túlik qaý­ip­sizdigi jónindegi ıslam uıymy ja­r-

­ǵysyn alǵashqy múshe memleketter qatarynda ratıfıkasııalaǵany já­ne Qazaqstanda Atom energııasy jó­ni­n-

degi halyqaralyq agenttiktiń Ha­lyqaralyq tómen baıytylǵan ýran bankin qurýda 10 mln AQSh dol­lary kóleminde qarjylaı úles qos­qany úshin rızashylyǵyn bildirdi. Son­daı-aq, Iemen qaqtyǵysyn she­shý jo­lyndaǵy aımaqtyq kúshke jár­demdesý jó­nindegi Kýveıt dıp­lo­ma­tııa­s­ynyń ju­mysyn qoldady.

Kýveıt jeke bıznesiniń qazaqstan­dyq qyzmet sektoryna salǵan birinshi ınvestısııalaryn eskerip, taraptar eki el arasyndaǵy ekonomıkalyq ynty­maq­tastyqty keńeıtý mańyzdylyǵyn atap ótti. Sondaı-aq, munaı-gaz sala­sy men ıslamdyq qarjylandyrý qu­ral­daryn damytý boıynsha iskerlik qa­rym-qatynastar qurýdyń bolashaǵy zor ekeni málimdeldi. Osyǵan oraı, Qazaqstan-Kýveıt úkimetaralyq ko­mıssııasynyń 4-shi otyrysyna daı­yn­dyq qajettigi kóldeneń tartyldy.

Kýveıttiń Arab ekonomıkalyq damý qorynyń granty esebinen Asta­­nanyń tehnıkalyq-eko­no­mı­ka­­lyq ınfraqurylymynyń ne­giz­de­mesi ázirlendi, Qazaqstan Res­pýb­lı­kasy Aýyl sharýashylyǵy mı­nıs­tr­li­gi­niń ǵımaraty salyndy, son­daı-aq, Qyzylorda oblysynda sýmen jab­dyq­taý, sanıtarııa, densaýlyq saq­taý salalaryndaǵy birqatar jobalar isk­e asyrylǵandyǵyn aıryqsha atap ótý qajet.

Qazaqstan Respýblıkasy Syrtqy is­ter mınıstriniń atalǵan óńirlerge sapary arab elderimen kóptegen óńirlik jáne jahandyq kún tártibindegi ózekti má­seleler boıynsha, ásirese, Astana pro­­sesi boıynsha ustanymdardy sa­ly­s­tyrýǵa múmkindik berdi.

Kezdesýler barysynda 2016 jy­ly Islam Yntymaqtastyǵy Uıy­my­nyń Ystanbuldaǵy sammıtinde maq­ul­danǵan «Islam álemindegi tatýlasý» bas­tamasyn iske asyrýdyń aspektileri belsendi túrde talqylandy. Taraptar ekijaqty qarym-qatynastardyń, ásirese, ekonomıkalyq dıplomatııa baǵytyndaǵy damý progresin atap kórsetti.