Qaırat Ábdirahmanov kezdesýdi asha otyryp: «Qazaqstan AQSh-pen kópqyrly strategııalyq áriptestikti damytýǵa aıryqsha mańyz beredi jáne jańa Ákimshilikpen tyǵyz ózara is-qımyl jasaýǵa nıetti», - dedi.
О́z kezeginde R. Tıllerson Prezıdent N.Nazarbaevtyń qýattylyǵy boıynsha álemde 4-shi oryndy alatyn ıadrolyq qarýdan bas tartqan tarıhı sheshimin erekshe atap kórsetti, osy arqyly onyń halyqaralyq qoǵamdastyqpen dostyq qatynastardy damytýǵa, saıası jáne ekonomıkalyq turaqtylyqqa, sheteldik ınvestısııalardy tartýǵa baǵyttalǵan kóregen tańdaýyn dúnıejúzi moıyndady.
Suhbattasýshylar qazaqstandyq-amerıkalyq strategııalyq áriptestikti is júzinde júzege asyrý máselelerin, sondaı-aq buǵan deıin Nursultan Nazarbaev pen Donald Tramp arasyndaǵy telefon arqyly suhbat barysynda aıqyndalǵan saýda-ekonomıkalyq yntymaqtastyqty keńeıtý joldaryn talqylady.
Qurama Shtattardyń Astanada ótetin «EKSPO-2017» Halyqaralyq mamandandyrylǵan kórmesine qatysýy suhbattyń jeke taqyryby boldy.
Halyqaralyq kún tártibine qatysty onyń ózekti máseleleri boıynsha, onyń ishinde Sırııadaǵy, Aýǵanstandaǵy jaǵdaı, Iran ıadrolyq baǵdarlamasy men Koreıa túbegindegi jaǵdaı boıynsha qyzyqty pikir almasý boldy. Q.Ábdirahmanov Qazaqstannyń jahandyq jáne óńirlik qaýipsizdik salasyndaǵy ótkir máselelerdi sheshýge syndarly túrde qatysýǵa daıyn ekenin málimdedi.
Astana prosesine qatysty qazaqstandyq tarap AQSh ókilderine urys qımyldaryn toqtatý rejimine baılanysty sırııaaralyq retteýdiń osy baǵytyn qoldaýdy jáne oǵan baqylaýshy retinde belsendi qatysýdy jalǵastyrýyn tabandy túrde usyndy.
Qazaqstandyq syrtqy saıası vedomstvo basshysy suhbattasýshyǵa 29 tamyzda AEHA-nyń Qazaqstanda Halyqaralyq tómen baıytylǵan ýran bankin (TBÝB) resmı ashylýy josparlanyp otyrǵanyn habarlady. AQSh Úkimeti men «Iаdrolyq qarýdy azaıtý baǵdarlamasy» Qorynyń TBÝB qurýdaǵy úlesin eskere otyryp, amerıkalyq tarapqa resmı saltanatqa qatysý úshin shaqyrý berildi. Joǵary deńgeıdegi múmkindikter men basqa da baılanystar talqylandy.
Kezdesý sońynda R. Tıllerson aradaǵy dostyq pen jemisti qarym-qatynastardy atap óte otyryp, Prezıdent N. Nazarbaevqa óziniń izgi tilekterin jetkizýdi ótindi.
