SSKО́B tarıhy Magnıtogorsk metallýrgııa kombınatymen tyǵyz baılanysty. Búginde TMD men Reseı kásiporyndarynyń eń irisi bolyp sanalatyn Magnıtogorskiniń metallýrgııa kombınatyna, SSKО́B alpys jyldan astam ýaqyt óziniń temirkeni shıkizatyn úzbeı jetkizip keledi. Bul kúrdeli daǵdarys kezeńinde de buzylǵan joq. Osyndaı ózara áriptestiktiń naqty dáleli retinde 2016 jyldyń jeltoqsanynda jasalǵan «Magnıtogorsk metallýrgııa kombınaty» (MMK) AAQ men Eurasian Resources Group (ERG) arasyndaǵy kezekti strategııalyq kelisim-shartty aıtýǵa bolady. Eki jaq shekemtas pen konsentratty qosqanda 30 mln temirkeni shıkizatyn SSKО́B «MMK» AAQ-na 2020 jyldyń aıaǵyna deıin jetkizip turatyndyǵy týraly kelisimge kelgen bolatyn. Bul sońǵy ýaqyttaǵy eń iri kelisim-shart bolyp tabylady.
« Jyldyń úzdik jetkizýshisi ataný – óte qurmetti ataq. SSKО́B MMK turaqty ári senimdi jumysyn baǵalaıdy jáne ózara tájirıbeniń artýynyń tamasha múmkindigi men iskerlik baılanystardyń nyǵaıa túsetindigine senedi. SSKО́B men MMK-nyń eńbektegi yntymaqtastyǵy – taý-ken óndirisiniń biryńǵaı tıimdi tehnologııalaryn qurýda basqalarǵa úlgi bolady. Reseı men Qazaqstannyń metallýrgııa jáne taý-ken salasynyń jetekshi kásiporyndary úshin eń mańyzdysy, turaqty jumysyn odan ári de jalǵastyra berý dep úmittenemiz» dedi «SSKО́B» AQ prezıdenti Bereke Muhametqalıev.
Názıra Járimbetova,
«Egemen Qazaqstan»
RÝDNYI
