Astanadaǵy memlekettik qyzmet salasyndaǵy О́ńirlik hab uıymdastyrǵan tanystyrý sapary aıasynda QR Bas prokýratýrasy men QR Quqyq qorǵaý organdary Akademııasy ókilderi AQSh Ádilet departamenti, Personaldy basqarý Keńsesi, Federaldy tergeý bıýrosy (FBI) ókilderimen kezdesti.
AQSh Ádilet departamentinde taraptar kadrlardy irikteý men ilgeriletý, oqytý men daıarlaý úderisi barysy týraly pikir almasty. AQSh personaldy basqarý Keńsesi ókilderimen kezdesýde qyzmetkerlerdiń biliktiligi men jumys ónimdiligin arttyrý joldary, olardyń tıimdiligin baǵalaý máseleleri men zeınetkerlik júıesi qaraldy.
Qazaqstandyq delegasııa FBI Akademııasynda qyzmetkerlerdi oqytý men daıarlaý júıesimen tanysty. Federaldy tergeý bıýrosy shtab-páterinde qyzmetkerlerdiń kásibı biliktilik modeli men adam resýrstaryn basqarýdy damytý aspektileri talqylandy.
