Kaddafı áskeri soqqy jasady

Lıvııanyń úkimettik áskeri burnaǵy kúni ereýil­shilerdiń qol astyndaǵy Zıntan qalasyna birqatar soqqylar jasady. Artıllerııalyq atqylaý «Grad» atty dúrkin-dúrkin oq atý júıesi arqyly júzege asyrylǵan. Kýágerlerdiń aıtýynsha, Zıntan qalasy eki qaıtara soqqynyń astyna alynǵan. Jalpy sany 40 reaktıvti snarıadtar qalaǵa jiberilgen kórinedi. Zardap shekkender týraly ázirge málimetter joq. Qalany atqylaý bastalysymen qalanyń ústinde NATO kúshteriniń avıasııasy paıda bolǵan eken. Biraq ol jóninde de naqty málimetter bolmaı otyr. JELDETKISh QONDYRǴYLAR ORNATYLMAQShY «Fýkýsıma-1» atom elektr stan­sa­synyń birinshi reaktoryna ǵımaratty radıoaktıvti zattardan tazartatyn 6 jeldetkish qondyrǵylar ornatý úshin jumystar júrgizilýde. Sarapshylardyń baǵalaýynsha, jańa jeldetkish júıeni paıdalaný reaktor ǵımaratynda radıasııalyq fondy birneshe mıllızıvertke deıin tómendetýge jaǵdaı jasaıdy. Eger ǵımarat ishindegi radıasııa deńgeıin tómendetýdiń sáti túser bolsa, AES qyzmet­kerleri apattan keıin alǵash ret reaktordyń ishki bóligindegi salqyndatý júıesiniń jumysyna jáne basqa da júıelerge baqylaý jasaý úshin onyń ishine kirmekshi. KО́MIR ShAHTASYNDA BOLǴAN APAT Meksıkanyń soltústiginde Koaýıla shtatyndaǵy kómir shahtasynda jarylys bolyp 3 adam qaza tapqan. Belgili bolǵan málimetter boıynsha taǵy da 3 kenshi jer as­tyn­da qalyp qoıǵan kórinedi. Aldyn-ala alynǵan aqparatqa qara­ǵan­da, shahta qabyrǵasynyń qulap túsýine metan gazynyń jary­ly­sy sebep bolǵan. Kenshiler shamamen 50 metr tereńdikte qama­lyp qalǵan kórinedi. Sondyqtan ázirge olarmen baılanys orna­tý­dyń sáti túspeı otyr. El prezıdenti Felıpe Kalderon kenshilerdi qutqaryp alý úshin qoldan kelgenniń bári jasalatynyn málimdegen. ÝSAMA BEN LADEN TÝRALY KINO TÚSIRILMEK Ýsama ben Laden ómiriniń ekrandalǵan tarıhynyń blokbasterge aınalý múmkindigi óte úlken bolyp otyr. Sondyqtan da ol qaza tapty degen habardan soń birneshe saǵattan keıin-aq Gollıvýd Ýsama ben Laden týraly fılm tú­sirý­di qolǵa almaq degen sybys tarap ketken. Búginde áńgime júzdegen mıllıon dollar tabý múmkindigin qandaı stýdııa jáne qaı rejısser ózgelerden buryn paıdalanyp qalady degenge kelip tirelip tur. Qaýesetke sensek, belgili rejıs­serler­diń ishinen Iraktaǵy soǵys týraly túsirgen kınosy úshin Oskar júldesine ıe bolǵan Ketrın Bıgeloý erekshe qyzy­ǵý­shylyq tanytqan kórinedi. RESEI KEPILDIK TALAP ETÝDE AQSh-tyń Rýmynııada zymyranǵa qar­sy qorǵanys júıesin ornalastyrý jó­nindegi jospary Reseı syrtqy ister mınıstrligi tarapynan alańdaý­shy­lyq týǵyzdy. Vedomstvonyń málimetine qaraǵanda, Reseı «joltosqysh» zymyrandardyń ózine qater tóndirmeıtinine senimdi emes. Sondyqtan da Máskeý olardy reseılik ıadrolyq kúshterge qaraı baǵyttamaı­tyn­dy­ǵy jóninde Vashıngtonnan kepildik talap etip otyr. Rýmy­nııadaǵy burynǵy keńestik áskerı-áýe bazasy ornalasqan jerde AQSh-tyń ZQQ ornalastyratyndyǵy týraly burnaǵy kúni Býharestte habarlanǵan bolatyn. О́ZARA BITIMGE KELMEK Kaırde palestınalyq eki iri qozǵalys – HAMAS pen FATH ózderiniń bitimge kelgendigi týraly habar­laıdy dep kútilýde. Aldyndaǵy kúni Egıpettiń deldaldyǵymen ázirlengen qarardy Gaza sektory men Iordan ózeniniń Batys jaǵalaýynda is-qımyldar jasaıtyn onnan astam toptyń ókilderi qýattaǵan kórinedi. Eń basty maqsat – ótpeli úkimet quryp, jalpyǵa birdeı parlamenttik saılaý ótkizýdiń ýaqyty jóninde kelisimge kelý, sóıtip, ekige bólingen Palestınany biriktirý. Degenmen, bul kelisim Tel-Avıvtiń qarsylyǵyn da týyndatyp otyr. QARJYLAI KО́MEK ALMAQ Portýgalııa 78 mıllıard eýro qarjylaı kómek alý jóninde Eýroodaqpen jáne Halyqaralyq valıýta qorymen kelisimge keldi. Ol úshin Portýgalııa bıýdjet tapshylyǵyn 2010 jylǵy IJО́ kóleminiń 9,1 paıyzynan ústimizdegi jylǵy 5,9 paıyzǵa deıin qysqartýy kerek. Úsh jylǵa eseptelgen kelisim ulttyq bank júıesine qarjylaı kómek kórsetý jaǵyn da qaras­tyrady. Degenmen, kelisim Portýgalııanyń oppozısııa­lyq partııalary, sol sııaqty Eýroodaq tarapynan qoldaý tabýǵa tıis. Halqy 10 mıllıon adamnan sál ǵana asatyn Portýgalııa ekonomıkasy bıylǵy jyly taǵy da 1,3 paıyzǵa qysqarýy múmkin. MYŃǴA JÝYQ OPPOZISIONER TUTQYNDALDY Jappaı júrgizilgen tutqyndaýlar ba­ry­synda Sırııada 1 myńǵa jýyq oppozı­sııalyq aktıvıster qamaýǵa alyndy. Birqatar aqparat agenttikteriniń eldiń ult­tyq quqyq qorǵaý uıymdaryna silteme jasaı oty­ryp habarlaýynsha, polısııa oppozısıo­ner­­lerdiń úılerin aralaı otyryp, reıd júr­gizgen. Osydan keıin kóptegen oppozısıonerler múl­dem joq bolyp ketken kórinedi. Sonymen birge, sál bu­ry­nyraq Sırııa áskeriniń Damaskiden 280 shaqyrym soltústik-batysta orna­las­qan Banııas qalasyndaǵy kóterilisti tunshyq­tyr­ǵany týra­ly habar­laǵan bolatyn. Degenmen, sırııa­lyq oppozısııa ókilderi ózderiniń jańa aksııalar uıymdastyrmaq nıetteri bar ekenin málimdeýde. MÁSKEÝ KО́ShESINDEGI TО́BELES Máskeýdiń shyǵysynda oryn alǵan jappaı tóbeles saldarynan Tájikstannyń 1 azamaty qaza taýyp, taǵy 2 adam dene jaraqattaryn alǵan. Máskeý qalalyq ishki ister basqarmasy aqparat jáne jurtshy­lyq­pen baılanys basqarmasynyń habarlaýynsha, jaraqat alǵan úsh adam aýrýhanaǵa jetkizilgen. Olardyń ekeýiniń jaǵdaıy óte aýyr dep baǵalanyp otyr. Aldyn-ala málimetter boıynsha olar da Tájikstan azamattary bolyp tabylady. Qazirgi kezde oqıǵanyń sebepteri anyqtalýda. Internet materıaldary negizinde ázirlendi.