Bas júldemen oraldy

Jýyrda elordalyq 12 jasar pıanıst Ábdiahmet Orazbaqov Parıjde ótken jas mýzy­kant­tar­dyń HHII halyqaralyq   baı­­qaýynda bas júldeni jeńip aldy. Baıqaýda pıanısterden bó­lek alt, skrıpka, vıolonchel jáne basqa da atalymdar boı­ynsha álemniń 30 memleketinen kelgen 6-26 jas araly­ǵyn­daǵy úmitkerler baqtaryn synady. Atap aıtý kerek, bizdiń mý­zy­kanttyń álemniń túpkir-túp­ki­­rinen iriktelip kelgen 122 ta­lapkerdiń arasynan moıny ozyq shyqty. Ol Grıg pen Slonımskııdiń shyǵarmalaryn oryndap, zalda otyrǵan kásibı mýzykanttar men qazylar alqasynyń qoshemetine ıe boldy. Pıanısterdiń sheberligin ár­túr­li memleketterden kelgen 30-dan astam  mýzykanttar baǵa­la­dy. Bas júlde otandyq jas pıanısimizge buıyrsa, birinshi oryn­dy qytaılyq, ekinshi oryndy tatar qyzy, al úshinshi oryndy japon­dyq balǵyn jas ıemdendi. Á.Oraz­baqov shilde aıyna Zalsbýrg qalasyna joldama tabys­tal­dy. Onda elordalyq jas óren ataqty pıanıst, professor Kemerlıngten sheberlik sabaǵyn alatyn bolady. «Baıqaýdyń negizgi júldesin ıelengenimdi bilgende qatty qýan­dym. Maǵan senim artyp, oqy­typ, kóp nárseni úıretken usta­zym Dına Mámbetovaǵa aıtar al­ǵysym sheksiz», – deıdi jas óren. Aıta keteıik, Ábdiahmet Oraz­baqov Astanadaǵy Qazaq ulttyq óner ýnıversıteti mek­te­biniń 6-synybynda oqıdy. Jas pıanıstiń Parıjge baryp qaıtýyna Mádenıet mınıstri Muhtar Qul-Muhammed pen «Qa­zaq áýenderi» AQ dırektory Ǵa­lym Ahmedıarov demeýshilik ja­sady. Á.Orazbaqov 2010 jyly Rımde ótken Mosart atyn­daǵy jas pıanısterdiń V halyq­aralyq baıqaýynyń da bas júl­desin jeńip alǵan bolatyn. Aıgúl SEIILOVA. Astana.