Toı toıǵa ulasty

Jaqynda Astana qalasyndaǵy «Aq shańyraq» meıramhanasynda elor­damyzda turatyn uıǵyr qaýym­­dastyǵy Naýryz merekesin toıla­dy. Oǵan astanalyq uıǵyr­lar­men birge elimizdiń basqa oblystaryn mekendeıtin osy halyqtyń ókil­deri de kelip qatysty. Merekeniń saltanatty ashy­lýyn­da sóz sóılegen Qazaqstan Respýblıkasy Parlamenti Májili­siniń depýtaty Murat Ahmadıev, Mańǵystaý oblysy ákiminiń oryn­basary Israpýl Sattarov, Astana qalasy Almaty aýdany ákiminiń orynbasary Túsip Rysbekov jáne aýdandyq ishki saıasat bóliminiń meńgerýshisi Safýra Bısenova asta­n­alyq uıǵyrlardyń jigit basy Murat Mórdınov, taǵy basqalar jı­nal­ǵan qaýymdy ulystyń uly kúni­men quttyqtap, jyly lebizderin bildirdi. Mereke barysynda Al­ma­tydan kelgen qonaqtar — Q.Qo­jamııarov atyndaǵy respýblı­ka­lyq Uıǵyr mýzykalyq komedııa teatry­nyń «Nava» folklorlyq jáne «Rýhsara», sondaı-aq aty ónersúıer qaýymǵa áıgili «Iаshlıq» ansambl­deriniń ánshileri men bıshileri óner kórsetti. Mereke barysynda qonaqtar uıǵyr ulttyq taǵamdarynyń, kıim úlgileriniń jáne saz aspaptarynyń kórmesin tamashalady. Dýmannyń sońy jastardyń bı keshine ulasty. Ershat ÁSMÁTOV, jýrnalıst.