Bıznes mektebi biliktilikti ushtaıdy

«Bıznestiń jol kartasy-2020» baǵdarlamasy aıasynda «Nazarbaev Ýnıversıtetinde» «Damý» qo­ry­nyń aımaqtyq fılıalynyń uı­ym­dastyrýymen kásipkerler eko­no­mıkalyq bilimderin kóterý úshin partaǵa otyrdy. Kásipkerler qataryndaǵylar­dyń qyzyǵýshylyǵy basym ekeni birden kózge tústi. Olar týrızm, azyq-túlik, jıhaz óndirisin meń­gerý, taǵy basqa tutynýshy qaje­tin óteıtin baǵyttardy meńgerýge talpynyp, sabaqqa yntamen qa­tysyp keledi. Bıznes mektebiniń tyńdaýshy­lary alǵashynda Astanada kúndiz­gi bólimde bilimderin tolyqtyrsa, keıin kásiporyndy tıimdi basqarý, tabysty bıznes qurý baǵytyn­daǵy jańa úlgilermen tanysyp, tá­jirıbelerin shyńdaıtyn bola­dy. «Kásipkerlerdiń múmkindigin arttyrý» baǵytyndaǵy jumys­tyń eki jaqqa da bereri mol. О́ıtkeni, shaǵyn jáne orta kásipkerliktiń óńirdiń damýyna tıgizetin paıdasy mol ekenin ýaqyttyń ózi dáleldep otyr. – Joldaýda atap kórsetilgen ekonomıkany ártaraptandyrý tapsyrmasy kimdi bolsa da oı­landyrady. О́ıtkeni, saladaǵy jańalyqtar jetkilikti. Kompa­nııadaǵy búgingi jumys aýqymy keńeıgendikten jańaǵa bet burý qajettigin kún saıyn sezinip kelemin. Kásipkerlerge arnalǵan mundaı dáristiń bereri mol bolǵandyqtan óz múmkindigimdi paıdalanyp, oqýǵa tilek bildirdim, – deıdi taldyqorǵandyq Rýstem Hakımov. Kúmisjan BAIJAN. Almaty oblysy.