Damýǵa baǵyt ustanǵan áriptestik

ENRC PLC korporasııasynyń  bas atqarýshy dırektory Felıks Vý­lıs pen  Qostanaı oblysy­nyń ákimi Sergeı Kýlagın áleýmet­tik  áriptestik jaǵdaıynda jumys isteý jónindegi memorandýmǵa qol qoıdy. Ústimizdegi jyly korporasııa oblystyń áleýmettik kórkeıtý jumystaryna 1 mıllıard 354 mıllıon teńge salyp otyr. Osy memorandým sheńberinde birneshe ekono­mı­kalyq, áleýmettik jáne mádenı jobalar júzege asyrylatyn bola­dy. Rýdnyı qalasyndaǵy joldardy asfalttaýǵa jáne Kachar qalasyn­daǵy mektepke jóndeý jumystaryn júrgizýge 350 mıllıon teńge jum­salmaq. Oblysta sporttyń damýy­na zor kóńil bólinedi. «Tobyl» fýtbol jáne shaıbaly hokkeı koman­dalaryna beriletin 400 mıllıon teńge sonyń aıǵaǵy. Rýdnyıdan boı kótergen  meshit, shirkeý, sınagoga  osy Eýrazııalyq tabıǵı resýrstar   korporasııasynyń demeýshiligimen salyndy. Olarǵa 440 mıllıon  teńge bóldi. Memorandým sheńberinen  ob­lys­taǵy  mádenıet, bilim salala­ry men óner adamdaryna  kómek berý isi de syrt qalmady. Korporasııa quramyna kiretin «SSKО́B» AQ oblystaǵy shyǵarmashylyq adamdaryn materıaldyq jaǵynan qoldap otyratyn  «Mesenattar klýbynyń» múshesi. – Qostanaı oblystyq ákim­di­gimen memorandýmǵa qol qoıý  Eý­razııalyq tabıǵı resýrstar korporasııasy úshin dástúr ǵana emes, bizdiń tarapymyzdan korporatıvtik áleýmettik jaýapkershilikti júzege asyrý saıasatyndaǵy basym baǵyttardyń biri bolyp tabylady. Al bul jumystar ónerkásiptik aımaqtardy damyta­dy jáne  naqty nátıjeler beredi, – dedi memorandýmǵa qol qoıý saltanatynda ENRC PLC bas atqarýshy dırektory Felıks Výlıs. Názıra JÁRIMBETOVA. Qostanaı.