Elordada matematıka páni muǵalimderiniń sezi ótpek

Bul sezdiń maqsaty – qazirgi qoǵam qajetsinip otyrǵan talap­tarǵa sáıkes, matematıkalyq bilim berý isin jańǵyrtý. Bul týraly Bilim jáne ǵylym mınıstrliginde ótken brıfıngte aı­tyldy. Brıfıngte Mektepke deıingi jáne orta bilim departamentiniń dırektory B.Káripjanov alqaly jıynǵa daıyn ekendigin aıta kele: «Bilim berý departamenti osy jyly matematıka pánine erekshe mán berip otyr. Atalmysh sezde matematıkaǵa qatysty kóptegen máseleler qarastyrylady. Departament 2011-2020 jyldarǵa arnal­ǵan bilim baǵdarlamasynyń sheń­be­rinde 2012 jyldy fızıka men ınformatıka pánderine, 2013 jyl­dy hımııa jáne bıologııa pánderine arnaıtyn bolady», dedi. Sezd «Qazaqstan mektepterinde matematıkalyq bilim berý isin damytý: qazirgi jaı-kúıi men damý bolashaǵy» degen taqyrypta bolatyn sezd 11-12 mamyr kúnderi ótpek. Kimder qatysady degenge keletin bol­saq, barlyq oblystar men qala­lar­da, sáýir aıynda ótken konferensııalarda jalpy bilim beretin mektepter men kásiptik lıseıler­diń muǵa­limderi, joǵary oqý oryndary men kolledj oqytýshy­lary ara­synan 500 delegat saı­lanǵan bo­latyn. Olarmen qosa resmı adamdar, atap aıtqanda Reseı, Bolgarııa, taǵy basqa memleketterden 1000-ǵa jýyq azamattar qatysa­tyn kórinedi. Matematıka páni muǵalimde­rine arnalǵan I sezdiń delegat­tary úshin arnaıy mádenı baǵdar­lama da josparlanypty. Sezdiń qorytyndy materıaldary jınaq bolyp jaryq kóredi eken. Juldyz BAIDILDA.