AQSh nysandarynyń kúzetin kúsheıtedi

Germanııa ishki ister mınıstri Hans-Dıter Frıdrıh Osama ben Ladenniń óltirilýimen baılanysty GFR aýmaǵyndaǵy AQSh mekemelerine terakt jasalý yqtımaldyǵy artady dep kútiletindikten, kúzet qyzmeti kúsheıtiletinin málimdedi. Mınıstr sondaı-aq áńgime barlyq nysandardy kúzetý týraly bolyp otyrmaǵanyn kóldeneń tartady. Onyń sózine qaraǵanda, aldymen AQSh-tyń qandaı mekemeleri qorǵaýdy asa qajetsinetini jóninde egjeı-tegjeıli tekserýler júrgiziletin bolady. Sheshim sodan keıin baryp qana qabyldanady. AQ ÚI ShEShIMIN «PIRATTYQ» DEP ATADY Lıvııa úkimeti AQSh-tyń Mýammar Kaddafıdiń «qamaýdaǵy» esep-shotta­ryn­daǵy aqshany ereýilshilerge berý yqtı­maldyǵyn «pırattyq» áreket dep ba­ǵa­lady. Aqshany halyqqa berý yq­tı­mal­dy­ǵy týraly AQSh-tyń memlekettik hat­shy­sy Hılları Klınton jarııa etken bolatyn. Bul jerde áńgime 90 mıllıard AQSh dollary týraly bolyp otyr. «Qamaýdaǵy» bul mol aqshanyń 30 mıllıardy Qurama Shtattardaǵy, al 60 mıllıardy Eýroodaq elderindegi esep-shottarda turǵan kórinedi. M.Kaddafıge, Lıvııa úkimetiniń múshelerine qatysty qarjy sanksııasyn AQSh ústimizdegi jyldyń 25 aqpanynda engizgen-tin. QURAMA ShTATTARǴA JIHAD JARIIаLADY Pákstanda júzdegen adam kóshelerge shyǵyp, Osama ben Ladenge arnalǵan demonstrasııalarǵa qatysty. Mıtıngshiler ben Ladendi qoldaǵan jáne AQSh-qa qarsy «qasıetti soǵys» jarııalaǵan urandar aıtyp, Qurama Shtattardyń jalaýyn órtedi. Demonstrasııalardy talıbter ıdeıasyn jaqtaıtyn «Jamııat-Ýlema-e-Islam» partııasy uıymdastyrdy. Mıtıngti uıymdastyrýshylar ben Ladenniń óltirilýi AQSh-qa qarsy «qasıetti soǵystyń» jańa tolqynyna alyp keledi dep esepteıdi. Olardyń pikirinshe, bul ólim búkil musylmandardy uıqysynan oıatty. ORYS ULTShYLDARY JAŃA QOZǴALYS QURDY «Slavıan kúshi» uıymynyń serkesi Dmıtrıı Demýshkın «Orystar» dep atalatyn ultshyldar birlestigi qurylǵany týraly habarlady. Atal­ǵan uıymdy qurýǵa D.Demýshkınnen basqa Orys halqy odaǵynyń bas­shysy Aleksandr Týrık qatysqan. Sonymen qatar, Orys ımperııalyq qozǵalysynyń kósemi Stanıslav Vorobev jáne basqalar óz úlesterin qosqan kórinedi. Uıymnyń jetekshi organy Ult keńesi bolmaq. Ol aýyspaly negizde basqarylady. Sondaı-aq, D.Demýshkın basqaratyn Joǵary ulttyq keńes te jumys istemek. OBAMAǴA ShAǴYMDANǴAN ARDAGERGE – PÁTER Sankt-Peterbýrg  basshylyǵy taıaýda AQSh prezıdenti Barak Obamadan járdem suraǵan, onysy 5 mamyr kúni jurtshylyqtyń qulaǵyna jetken UOS ardageri Anton Karavanesti baspanamen qamtama­syz etetin boldy. Oǵan áleýmettik úılerdiń bireýi tımek. 1945 jyldyń tamyzynda A.Karavanes Japonııamen soǵysqa qatysyp, AQSh áskerılerin tutqynnan bosa­tys­qan. Sol shaqta AQSh armııasynyń basshysy rızashylyq belgisi retinde keńestik soldattarǵa Amerıkada turý týraly usynys jasaǵan eken. Olar bas tartypty. Belgisiz sebeptermen úısiz-kúısiz júrgen qart jaýynger jany qysylǵanda 66 jyl burynǵy usynysty esine túsirse kerek. MILLIONYN KIMGE APARMAQ BOLDY EKEN? О́zbek shekarashylary Tájikstanǵa zańsyz negizde asa mol somadaǵy aqsha alyp ótpekshi bolǵan adamdy ustady. Qolǵa túsken Rýstam Mýmınov degen áldebireýden 961,5 myń dollar, 54,8 myń eýro jáne shamamen 2 mıllıon Reseı rýbli alynǵan. R.Mýmınovtyń О́zbekstan azamattyǵy bar eken. Onyń nemen aınalysatyny týraly aqparat joq. Ázirshe aqshany Tájikstanǵa qandaı maqsatpen jetkizbekshi bolǵany da belgisiz. R.Mýmınovtyń ústinen «Shetelge zańsyz shyǵý» jáne «Keden zańdylyǵyn buzý» degen baptar boıynsha qylmystyq is qozǵaldy. QYSQA QAIYRYP AITQANDA: Germanııa úkimeti NATO quramynda Kosovodaǵy býndesver mıssııasynyń mandatyn bir jylǵa uzartý týraly sheshim qabyldady. Búginde Kosovodaǵy GFR kontıngentiniń sany 2500 adamdy quraıdy. Oklahoma shtatynda Federaldy tergeý bıýrosy (FTB) byltyr Florıdadaǵy meshitti jarǵan kúdiktini ustap, atyp óltirgen. 46 jastaǵy Sendlın Smıt tutqyndaý áreketi kezinde oqqa ushqan. Zańsyz oıyn bıznesin búrkemelegenderi úshin 15 mıllıon rýblden astam para aldy degen kúdikpen bir top máskeýlik prokýrorlar tutqyndaldy. Aralarynda joǵary shendi sheneýnikter de bar. Keshe erteńgisin Bishkek shaǵyn aýdandarynyń birinde ornalasqan mektep aýlasynan qoldan jasalǵan jarylǵysh qurylǵy tabylǵan. Saperler bombany der kezinde zalalsyzdandyryp úlgergen. Reseı Lıberal-demokratııalyq partııasynyń belsendileri Batystyń Lıvııadaǵy áskerı operasııalaryna qarsy pıket ótkizdi. Sharaǵa V.Jırınovskıı partııasynyń shamamen 10 myń adamy qatysty. Máskeý túbindegi Malahov aýdanynda Vetnamnan kelip, jumys istep jatqan 510 zańsyz mıgrant ustalǵan. Olar túrli fırmalar jalǵa alyp otyrǵan fırma aýmaǵyndaǵy zaýyttan tabylǵan. Jaǵdaılary, turmystary óte aýyr kórinedi. Internet materıaldary negizinde ázirlendi.