Baǵa negizsiz sharyqtamaýy shart

Elbasy Nursultan Nazarbaev 2011 jyldyń 17 sáýirinde Úkimet músheleri, oblys ákimderi, partııa basshylary jáne t.b. qatysýymen ótken Úkimettiń keńeıtilgen májilisinde azyq-túlik taýarlarynyń baǵasyna partııalyq baqylaý jasaý týraly tapsyrma bergeni belgili. «Nur Otan» HDP Astana qalalyq fılıalynda osy tapsyrmany oryndaýǵa arnalǵan is-sharalardy qarastyrǵan otyrys bolyp ótti. Fılıal tóraǵasynyń birinshi orynbasary Ámirhan Rahym­ja­nov óziniń sózinde májilis bary­synda osy tapsyrmanyń oryn­da­lýy pysyqtalatynyn aıtty. Aldymen ol Elbasynyń tapsyr­ma­syn oryndaý maqsatynda par­tııa­nyń qalalyq fılıaly bıý­ro­synyń qaýlysymen azyq-túlik baǵalaryn baqylaý jónindegi qoǵamdyq keńes jáne Astana qa­lasynyń bazarlarynda partı­ıa­lyq baqylaý beketteri quryl­ǵa­nyn atap ótti. Árıne, naryqtyq ekono­mı­ka­da bireýge baǵany kóterme dep nemese tómen túsir dep eshkim de buıryq bere almaıdy. Biraq obektıvti sebepterdi alǵa tar­typ, sheksiz sharyqtatýdyń negizsiz ekenin dáleldep, salyq organ­darynyń fýnksııalary arqyly áser etse, oǵan eshqandaı kásip­ker qarsy daý aıta almasy belgili. Osy otyrysta sóılegen keıbir kásipkerlerdiń sózine qara­ǵan­da, olar óz baǵalaryn sheteldik baǵalarǵa qarap túzelgisi keledi eken. Mundaıǵa jol berýge múldem bolmaıtyny qadap aıtyldy. Otyrys barysynda baǵany obektıvti sebepsiz sheksiz sha­ryq­tatýshylarǵa qarsy partııa­nyń usynysymen qarjylyq, salyqtyq jáne basqa da tıisti ókimettik organdar tarapynan túrli jazalar qoldanylýy múm­kin ekendigi belgili boldy. Sony­men birge, partııa tarapynan ba­ǵa­ny baqylaý úshin uıymdas­ty­rylǵan beketter naýqandyq sıpatta emes, únemi jumys isteıtini atap kórsetildi. Jaqsybaı SAMRAT.