Is-sharaǵa Parlament Senaty men Májilisiniń depýtattary, Prezıdent Ákimshiliginiń, Konstıtýsııalyq Keńestiń, Joǵarǵy Sottyń, Bas prokýratýranyń jáne basqa da memlekettik organdarynyń ókilderi, sondaı-aq dıplomatııalyq korpýs pen halyqaralyq uıymdardyń, ǵylymı jáne azamattyq qoǵamnyń ókilderi qatysty.
Tanystyrylym barysynda Adam quqyqtary jónindegi ýákil Asqar Shákirov azamattardyń shaǵymdary men ótinishterin, monıtorıng qyzmetiniń nátıjelerin taldaý negizinde qurastyrylǵan, Qazaqstandaǵy adam quqyqtary men bostandyqtaryn iske asyrýdyń barysy qamtylǵan sholý usyndy. Jalpy, 2016 jyly Ombýdsmenniń qaraýyna azamattar quqyǵynyń buzylǵany jáne qysym jasalǵany boıynsha 1304 jazbasha jáne aýyzsha aryz-shaǵym kelip túsipti.
Is-sharaǵa qatysýshylar elimizdiń Negizgi Zańynda Ombýdsmen mártebesin nyǵaıtý aıasynda ulttyq quqyq qorǵaý mekemesin jetildirý máselelerine erekshe nazar aýdardy. Sondaı-aq, Ombýdsmen adam quqyqtaryn qorǵaý júıesi boıynsha memlekettik organdarmen, úkimettik emes jáne halyqaralyq uıymdarmen ózara baılanystarǵa basymdyq beriletinin atap ótti.
Tanystyrylym barysynda quqyq qorǵaý jónindegi máselelerge oraı birqatar baǵyttar boıynsha pikir almasý boldy. Kezdesý qorytyndysynda qatysýshylar 2016 jyly Qazaqstan adam quqyqtaryn iske asyrý úshin qoldanystaǵy tetikterdiń turaqty damýyn qamtamasyz ete aldy degen pikirlerin bildirdi.
