Kúmis kúlki syńǵyry

Buǵan deıin habarlanǵanyndaı, jaqynda Parlament Senaty Tóraǵasynyń orynbasary Aleksandr Sýdın basta­ǵan joǵarǵy palatadaǵy «О́ńir» depýtattyq tobynyń múshe­leri Aqmola oblysyndaǵy Aqkól balalar úıinde boldy. Senatorlardyń balalar úıi tárbıelenýshilerimen daǵdyǵa aı­nalǵan kezdesýi Senatta birneshe jyl qyzmet etip kele jatqan depýtattyq qurylymnyń ju­mys jospary aıasynda ótti. Jaz­ǵy lagerde depýtattar dem­alys­taǵy balalardyń densaý­ly­ǵyn nyǵaı­tý baǵdarlamasymen, balalar úıiniń materıaldyq-teh­nıkalyq jaǵdaıymen tanysty. Balalar úıiniń dırektory Vera Kovalevanyń aıtýynsha, memleket balalar úıine, onyń tárbılený­shilerine barlyq jaǵ­daı­dy jasap, olardyń aqyldy, parasatty, jan-jaqty bilimdi, otansúıgish azamat bolyp qa­lyp­tasýlary úshin kómek qolyn sozyp keledi. Ortalyq osydan 10 jyl buryn «Qazaqstan temir joly» UK» AQ qaramaǵynda bolsa, qa­zir jergilikti atqarýshy organ­nyń balansynda. Munda bala­lar­ǵa demalý úshin barlyq jaǵ­­daı jasalǵan. Tabıǵaty sulý, aı­nalasyn qaraǵaı qorshaǵan osyn­daǵy balalar úıine jyl saıyn jazda 200-den astam tárbıe­lený­­shiler 20 kúnge kelip, dem­alady. Byltyr Ońtústik Qazaq­stan ob­ly­sy men basqa da óńirler­den kelgen balalar demalyp qaıt­qan-tyn. Taǵy bir aıtatyn nárse, ba­lalardyń kúmis kúlkisin qymbat sezinetin azamattar da balalar úıine kelip, qoldan kelgenshe kómek kórsetýde. Sondaı altyn júrekti azamattardyń biri aqyn Márzııa Aıaǵanova balalarǵa óleń oqyp, memlekettik tildi úıre­tý­ge atsalysyp keledi. Sol kúni Parlament Senaty Tóraǵasynyń orynbasary Aleksandr Sýdın, «О́ńir» depýtat­tyq tobynyń jetekshisi Ermek Jumabaev, senatorlar Sergeı Plo­tnıkov pen Erbolat Muqaev­tyń balalarmen kezdesýi kezinde balalar konsert qoıyp, ózderi­niń alǵyrlyǵy, zerektigimen birge, memlekettik tildi jetik biletinderin kórsetti. Balalar úıi dırektorynyń orynbasary Ba­laıym Erjanovanyń aıtýynsha, munda memlekettik tildi biletin tárbıelenýshiler jyl saıyn kóbeıip jatyr. Olardyń boıy­nan otansúıgishtik, óz elin ja­nyndaı jaqsy kóretin qasıet­ter­di kórý qıyn emes. Biz de muny konsert kezinde ózge ult balalarynyń: «Týǵan jerdeı jer bolmas, aýasy jupar, máń­gilik jasa, Otanym, bererimdi be­remin», dep óleń joldaryn oqy­ǵanda baıqadyq. Kezdesý sońynda «О́ńir» de­pý­tattyq tobynyń músheleri ba­lalarǵa kompıýterlik synyp­qa arnalǵan jabdyqtar tartý etti. Dastan KENJALIN. Aqmola oblysy, Aqkól aýdany.