Medvedev pen Pýtın básekelespeıdi

2012 jyly ótetin prezıdenttik saılaýda Dmıtrıı Medvedev pen Vladımır Pýtın bir-birimen básekege túspeıdi. Bul týraly The Financial Times gazetine bergen suhbatynda Reseı prezıdenti D.Medvedev málimdedi. Reseı prezıdentiniń pikirinshe, Pýtın ekeýi bir saıası kúshtiń adamdary. Sondyqtan ekeýiniń arasynda báseke­lestik bolýy múmkin emes. Al ózi ekinshi prezıdenttik merzimge túsý nıetińiz bar ma degen suraqqa taıǵanaq jaýap qaıtarǵan. Kez kelgen osyndaı laýazymdaǵy adam prezıdenttikke túsýge mindetti. Al mundaı sheshimdi qabyldaı ma, álde joq pa, bul ekinshi másele, depti ol. OPPOZISIIа ULTTYQ KEŃESKE BIRIKTI Sırııa oppozısııasynyń lıderleri birlesken ulttyq keńes quratyndary týraly habarlady. Onyń maqsaty bılikpen kúres júrgizý bolmaqshy eken. Resmı málimdemege sáıkes, ulttyq ke­ńes Sırııa revolıýsııasyna basshy­lyq jasaıdy. Ol úshin eldegi túrli qoǵam­dar men saıası kúshterdi biriktiredi. Qazirdiń ózinde ulttyq keńeske kirýge Sırııadaǵy jáne shetelderdegi qandaı da bir salmaǵy bar oppozısıonerler kelisimin berip úlgergen. Sırııadaǵy kóterilis 2011 jyl­dyń naýryzynda Týnıs pen Egıpettegi tóńkerister tabys­ty aıaqtalǵannan keıin bastalǵany belgili. Oppozısııanyń talaby – prezıdent Bashar Asadty taǵynan taıdyryp, demokratııalyq reformalar júrgizý. BEIBIT ADAMDAR ShYǴYNYN MOIYNDADY NATO basshylyǵy burnaǵy kúni Trıpolıge jasalǵan áýe soqqysynan beıbit turǵyndar opat bol­ǵanyn moıyndaýǵa májbúr boldy. Tehnıkalyq kinárattan soqqylardyń biri belgilengen nysanadan aýytqyp, azamattyq nysanǵa baryp túsken, delinedi NATO-nyń Lıvııadaǵy operasııasynyń qolbas­shy­sy general-leıtenant Sharl Býshardyń málimde­mesinde. Býshar beıbit turǵyndardyń qazasyna oraı ókinish bildire kelip, NATO-nyń bombalaýlarǵa óte muqııat qaraı­tynyn atap kórsetken. Bizdiń beıbit turǵyndarǵa qoıatyn eshqandaı talabymyz joq, bizdiń shabýyldar tek rejimge baǵyttalǵan, deıdi ol. Jalpy, sońǵy bombalaýdan 9 adam qaza tapsa, Lıvııada áskerı operasııalar bastalǵaly beri 856 adam qurbandyqqa aınalǵan. AKSIIаǴA 100 MYŃNAN ASTAM ADAM QATYSTY 19 maýsym, jeksenbi kúni búkil Ispanııa boı­yn­sha úkimet saıasa­ty­na qarsy narazylyq aksııalary bo­lyp ótti. Qalalar kóshelerine shyqqandar úki­met­tiń ekonomıkalyq daǵdarys saldarlaryn eńserýge qabiletsizdigine, jumyssyzdyqtyń joǵary deńgeıi­ne ózderiniń kóńilderi tolmaıtynyn bildirgen. Aksııany uıymdastyrýshylardyń derekterine qara­ǵanda, el astanasy Madrıd kóshelerine 150 myńnan astam adam shyqsa, Barselonadaǵy narazylyq bildirýshiler 270 myń adamdy quraǵan. Ispanııa – EO elderi ishinde álemdik qarjy daǵdarysynan asa zardap shekken memleketterdiń biri. Eldegi jumyssyzdyq deńgeıi 21 paıyzdy qurasa, bul – Eýroodaqtaǵy eń joǵary kórsetkish. Jastar arasyndaǵy jumyssyzdyq úlesi tipti 40 paıyzǵa jetedi. KOROL USYNǴAN REFORMALARǴA NARAZY Marokkodaǵy jappaı demonstrasııalarǵa myń­da­ǵan adam qatysty. Olar el koroli Mohammed VI usynǵan reformalarǵa qarsylyqtaryn osylaısha bil­dirdi. Narazylyq tanytýshylardyń pikirlerinshe, monarh usynǵan demokratııalyq jańarýlar absolıýtti monarhııadan parlamentarızmge ótý úshin jáne bılik bólinisin júzege asyrý úshin múldem jetkiliksiz. Kóshelerge koroldi jaqtap shyqqandar da az bolǵan joq. Al Mohammed VI usynǵan konstıtýsııalyq reformalar josparyna kelsek, olar ishinara keıbir ókilettikterdi korolden alyp, premer-mınıstrge berýdi qarastyrady. Sóıtip, Úkimet basshysy parlamentti taratyp, memlekettik kásiporyndar men ákimshilik organdarǵa basshy taǵaıyndaı alady. Al korol qaýipsizdik jáne syrtqy saıasat máselelerine baqylaý quzyryn saqtap qalady. QYRǴYZ DEPÝTATTARYNDA «QYZYQ» KО́P Qyrǵyzstan parlamentiniń keıbir de­pýtattary má­ji­lis zalyn ásemdeý, jaq­sar­tý usynystary­men shyqty. Máselen, oppozısııalyq «Ar-Namys» fraksııa­sy­nyń depýtaty Aqylbek Japarovtyń pikirinshe, májilis zalyna «Biz qudaıǵa senemiz» dep jazyp qoıý kerek kórinedi. Bıleýshi Sosıal-demokratııalyq par­tııa­sy fraksııa­sy­nan depýtat Danııar Terbıshalıev «Biz halyq úshin jumys jasaımyz» dep qosymsha jazyp qoıý kerek ekenin usyndy. Ar-namystyq taǵy bir depýtat Tursynbaı Bákiruly trıbýnaǵa jalǵandyq detektoryn ornatýǵa shaqyrdy. Bir atap óterligi, bul bastamalardyń eshqaısysy parlament basshylyǵy tarapynan qoldaý tapqan joq. QYSQA QAIYRYP AITQANDA: Somalı pırattary nemistiń Sıýzan K kompanııasynyń ıeligindegi júk kemesin 5,7 mıllıon dollar alǵannan keıin bosatqan. Bul aqparattyń pırattar tarapynan taratylǵanyn eskersek, onyń aq-qarasy týraly naqty aıtý qıyn. Baǵdadta Fransııa elshiliginiń korteji kólikteriniń biri janynda jarylǵysh qurylǵy iske qosylǵan. Oqıǵa qalanyń ońtústik bóligindegi dıpmıssııa basshysy rezıdensııasynyń tóńireginde oryn alǵan. Jarylys saldarynan 7 ıraktyq zardap shekse, 4-ýi elshilik kúzetshileri eken. AQSh-tyń Aıdaho shtatynan senator Djon Makgı kólik aıdap ketip jáne ony mas kúıinde júrgizgeni úshin qamaýǵa alynǵan. Jaqyn kúnderi ol sot aldynda jaýap berýi tıis. Makgı Respýblıkalyq partııanyń múshesi. Shtat senatyna 2006 jyly saılanypty. Ázerbaıjannyń astanasy Baký qalasynda oppozısıonerlerdiń mıtıngisi qýyp taratylǵan. Jergilikti polısııa úkimetke qarsy urandatyp shyqqandar ishinen jıyrma shaqtysyn qamaýǵa alǵan. Jergilikti oppozısııanyń talaby  – úkimetti otstavkaǵa ketirip, kezekten tys saılaýlar ótkizý jáne birqatar reformalar júrgizý. Internet materıaldary negizinde ázirlendi.