08 Shilde, 2011

Balalar – elordanyń júregi

223 ret kórsetildi
Elorda merekesinde uıym­das­tyrylǵan túrli mádenı is-sharalar leginiń birqatary qala kúni jurtshylyqty Kon­gress-Holl mańaıyna kóptep jınady. Alańnyń mańy óz­derine arnalǵan dýmandy tama­shalaýǵa kelgen qala tur­ǵyndary men qonaqtaryn erekshe sezimge bóledi. Solardyń biri Mahambet О́temisuly atyn­daǵy Oqýshylar saraıynyń al­dynda ótken «Balalar – elor­danyń júregi» atty qalanyń týǵan kúni men aldaǵy kele jatqan Táýelsizdigimizdiń 20 jyldyq mereıtoıyna oraı ótkizilgen merekelik baǵdarlama der edik. Búgingi kúni Eýrazııa keńis­tiginde iri bilim men mádenıet ortalyǵyna aınalǵan Asta­namyz kúnnen-kúnge jańaryp, jasyl jelek jamylyp keledi. Ásem bezendirilgen atalmysh saraı aımaǵyna tańerteńgi ýa­qyttan mektep janyndaǵy kún­dizgi bólim lagerleriniń oqý­shylary kelip, sazdy áýender oınalyp, balalardyń shat kúl­kisimen úndesip jatty. Aıtýly mereke kúni qar­sańynda «Astana qurdastary» baıqaýy bıyl onynshy ret qalamyzdyń jas qurdastarynyń basyn qosqan-dy. Al jeńimpaz atanǵandar baǵdarlamanyń qur­met­ti qonaǵy bolyp, estelik syı­lyqtardy enshiledi. Baı­qaýdyń eń qyzyqty sáti de osy jerden kórinis tapty. «Kishkentaı Astana arýy» men «Kishkentaı Astana sultany» baı­qaýlary jeńimpazdarynyń sal­tanatty sherýi de tartymdy kó­rinistermen kórermenderin qý­ant­ty. Jalpy atalǵan baı­qaýdyń maqsaty – balǵyndardyń daryndaryn ashý men olardyń shyǵarmashylyq oryndaýshylyq deńgeılerin kóterý bolsa, el­ordanyń jas talanttaryn anyq­tap, qoldaý bildirý de basty nazarǵa alynǵan. Merekelik shara aıasynda ótkizilgen tas jolǵa túrli-tústi bormen sýret salý baıqaýy da qatysýshylar men ony tama­shalaýshylardy erekshe sezimge bóledi. «Baqytty ǵalamsharda-baqytty balalar!» taqyry­bymen ótken bul saıysta baı­qaýdyń jeńimpazy atanǵan jetkinshekter men ózge de qa­tysýshylar arnaıy syılyq­tarmen marapattaldy. Ábdirahman QYDYRBEK. Sýretterdi túsirgen Orynbaı BALMURAT.
Sońǵy jańalyqtar

Uqsas jańalyqtar