Joǵary partııa mektebi

«Nur Otan» mıssııasyn oryndaýdaǵy jol silteýshi Qazaqstan Respýblıkasynyń Prezıdenti N.Á.Nazarbaev «Nur Otan» HDP XIII sezinde: «Partııa kadrlarynyń kóshbasshylyq qasıetterin jáne kásibıligin úne­mi arttyrý úshin partııa saıası oqý jelisin kúsheıtý mańyzdy», degen bolatyn. Osyǵan oraı Almatyda Ońtústik aımaqtyq Joǵary partııa mektebiniń alǵashqy tyńdaý­shylarynyń «Partııanyń saı­laýal­dy jumysyn tıimdi uıym­dastyrý pishinderi men ádisteri» taqyrybynda semınar ótti. Semınarda «Nur Otan» HDP Alma­ty qalalyq bólimi tóraǵasynyń orynbasary Serik Beısekov búgingi tańdaǵy partııanyń alǵa qoıyp otyrǵan mindetteri azamat­tyq qoǵam qurýdaǵy demokra­tııalyq partııa basshylarynyń iskerlik qabileti men saıası qyz­metin arttyrý jóninde «Nur Otan» HDP-nyń 2020 jylǵa deıingi baǵdarlamasyn oryndaýdaǵy alda atqarylatyn zor jaýapty isterge toqtaldy. Ońtústik aımaqtyń ár jerinen kelgen 25 partııa jetekshileri jınalǵan semınarǵa «Nur Otan» HDP joǵary partııa oqý orta­lyǵynyń dırektory, ekonomıka ǵylymdarynyń doktory professor Raýshan Satova basshylyq jasady. Semınarda elimizge belgili ataqty ǵalymdar dáris oqy­dy. «Turaqtylyq pen aýyspa­lylyq – saılaý aldyndaǵy saıası partııalardyń mańyzdy dáleli» degen taqyrypta Abylaı han atyndaǵy Halyqaralyq baıla­nys­tar men álem tilderi ýnı­versıtetiniń prorektory, Saıası ǵylymdar akademııasynyń akademıgi Saǵadı Bólekbaev saılaý naý­qanyndaǵy turaqtylyq alda­ǵy ıgi isterge jańasha serpin beretinine toqtaldy. Tuńǵysh Prezıdent qorynyń Dúnıejúzilik eko­nomıka ınstıtýtynyń dırek­tory Sultan Ákimbekovtiń «Nur Otan» HDP-nyń Parlament saı­laýyna qatysýy týraly» dep atalǵan baıandamasy tyńdaldy. Aldaǵy saılaýda «Nur Otan» partııasyna básekeles partııalar­dyń qajet ekendigi demokratııa­lyq zańdylyq bolyp tabylatyny atap kórsetildi. «Saılaý ne úshin mańyzdy» taqyryby boıynsha Iýrıı Bulyqtaev óz oıyn ortaǵa saldy. Basqa da birqatar adamdar sóıledi. Semınardyń sońǵy kúni ár aımaqtan kelgen partııa jetekshileri óz óńirlerinde atqarylyp jatqan is-sharalar týraly daıyn­daǵan materıal-slaıdtaryn, ın­novasııalyq jobalaryn attestattaý komıssııasynda qorǵady jáne oqylǵan baıandamalar boıynsha barlyq 25 tyńdaýshy synaq-test tapsyrdy. Sońynda attestattaý komıssııasy barlyq tyń­daýshy­larǵa sertıfıkattar men tós­belgiler tabys etti. Partııanyń alda atqarar ju­mystary aıqyndalyp, naqty tap­syrmalar berildi. Álimǵazy ESJANOV, Joǵary partııa mektebiniń tyńdaýshysy. Almaty oblysy, Eńbekshiqazaq aýdany, Sógeti aýyly.