Shyǵyn: Derek pen dáıek

Uly Otan soǵysyna qaty­syp, elimizdiń bolashaǵy úshin ter tók­­ken ardagerlerge degen qamqor­lyq ýaqyt ótken saıyn jaqsaryp keledi. Oblystaǵy soǵys arda­ger­leri men olarǵa te­ńes­tiril­gen­derge, birinshi, ekinshi toptaǵy mú­gedekterge, stýdent­terge qoǵamdyq kólikterde tegin júrýleri úshin bıýd­jetten 126,5 mln. teńge bó­lin­se, 179 soǵys jáne eńbek arda­ger­leri ótken jy­ly tańdaýly sa­na­torıılerde densaýlyǵyn tú­zeý­ge múmkindik aldy. Osy baǵytta oblys bıýd­jetinen 42,2 mln. teńgege jýyq qarajat jumsalǵan. Otan úshin ot keshken arda­ger­lerdiń áleýmettik jaǵdaı­la­ryn jaq­sartý maqsatynda kom­mý­­nal­dyq-turmystyq shyǵyn­da­ryn óteý­ge 2008 jyly 62,5 mln. teńge bólinse, 2009 jyly bul 62,9 mln. teń­geni quraǵan. Osy­laısha qam­qor­lyq aıasy keńeıýde.

Kúmisjan BAIJAN, Almaty oblysy.

1 000 000 Byltyr oblys dıqandary osynshama tonna astyq jınap aldy.  Sońǵy jeti jylda bolyp kór­megen tabıǵattyń mundaı berekeli syıy jalpy oblys boı­ynsha basqa da dándi-daqyl­dardyń molynan ósip-ónýine múmkindik týǵyzdy. Memleket ta­rapynan da aýyl sharýashy­ly­ǵyn qoldaý jáne damytýǵa keń kólemde kómek kórsetilip keledi. Al, negizinen alǵanda, oblys kólemindegi aýyl sharýashylyǵy salasyna astyqty jáne maıly daqyldar, kartop pen kókónis túrlerin ósirýge basym baǵyt berilgen. Osynyń nátıje­sin­de ótken jyly 619,8 myń gektar alqaptyń ár gektarynan 16,3 sentner astyq alyndy. Buǵan qosa, 120 myń tonna kartop, 80,4 myń tonna kókónis jáne 12 myń tonna baqsha ónimderi jınaldy. Oblys boıynsha 14,2 myń gektar sýarmaly alqap bar. Sońǵy eki jylda aýyl-aýdandardaǵy má­shı­ne-traktor parkteri jalpy quny 4,4 mlrd. teńge turatyn 345 jańa ozyq tehnologııa túrleri­men tolyqty. Oblys aýmaǵynda aýyl sharýashylyǵy ónimderin qaıta óńdeıtin 470 keshen jumys isteýde. Sonymen qatar, byltyr aýyl sharýashylyǵy salasynda jańa­dan 3524 jumys orny quryldy. Qoı ósirýdi qolǵa alý maqsa­tyn­da bastalǵan “Jaılaý” baǵdar­lamasy júzege asyp, oblystaǵy birneshe sharýa qojalyǵy 5 myń qoı satyp aldy. Bul kúnderi ob­lystyń úsh qalasynda – oblys ortalyǵy, Aqsý jáne Ekibas­tuz­da 8 arzan baǵaly ónimder sata­tyn áleýmettik dúkender qyzmet kórsetýde.

Farıda BYQAI, Pavlodar oblysy.

550 000 “SNPS-Aqtóbemunaıgaz” aksıonerlik qoǵamy oblystyq múgedekter qoǵamyna, aıaly alaqan men erekshe kútimdi qajet etetin jarym kóńil búldirshinderge jalpy baǵasy osynshama teńge quraıtyn  syılyqtar tartý etti. Mereıli isti atqarýǵa kelgen ak­sıonerlik qoǵam bas dırekto­rynyń kómekshisi Iаn Enbıao mundaı izgilikti istiń alda da jal­ǵasyn tabatynyn jetkizdi. Kom­­pa­nııanyń ákimshilik depar­tamenti dırektorynyń oryn­ba­sary Iýrıı Shınkarev kásip­oryn­nyń qoǵam aldyndaǵy áleý­mettik jaýapker­shi­ligi osyndaı qaıyrymdylyq, mesenattyq sharalar arqyly júzege asyry­latynyn aıtty. Aksıonerlik qoǵam ázirlegen júz syılyq “Aqbóbek” saýyq­ty­rý ortalyǵyndaǵy búldirshin­der­ge úlestirildi.

Satybaldy SÁÝIRBAI, Aqtóbe oblysy.