О́RGE О́RLEGEN О́RENDER

Jaqynda Almatydaǵy res­pýb­lıkalyq sport kolledjiniń shar­shy alańynda bokstan jasóspirimder arasyn­daǵy Qazaqstan chempıonaty máresine jetti. Bul bá­se­kege 1994-1995 jyldary týǵan 100-den astam jet­kin­shek qatysyp, 14 salmaq dárejesi boıynsha kúsh synasty. Eń jeńil, ıaǵnı 44 kılo salmaqta qaraǵandylyq Ta­byshan Turmahanbetov qurmet tuǵyrynyń eń bıik satysyna kóterildi. Kelesi, 46, 48 jáne 50 kılo salmaq dárejelerinde ótken syndarda Álisher Juma­taev (Jambyl oblysy), Ser­geı Makarıhın men almaty­lyq boksshy Aıdar Imanǵa­lıev chempıon atandy. Olar aqtyq aıqasta esimderi jalpaq jurtqa onsha tanys bolmasa da búkil jekpe-jekterinde qar­sy­lastaryna qasqaıa turyp qol­ǵap túıistirgen báseke­les­terinen aılasyn asyrdy. Bu­dan basqa chempıonatta­ǵy bar­lyq kezdesýlerde báse­keleste­riniń bárin jarys jo­lynan shy­ǵaryp tastaǵan qy­zyl­ordalyq Aqylbek Jolama­nov (52 kılo), Arman Qulov (54 kılo, Mańǵystaý oblysy), 57 jáne 60 kılo salmaqtarda Oń­­tústik Qazaqstan oblysy­nyń órenderi Aqmadııar Isaq pen Ádilet Álibek, Aıtjan Shi­leev (63 kılo, Jambyl ob­ly­sy), Roman Jaılaýov (66 kı­lo, As­tana qalasy) qurmet tuǵy­ry­nyń eń bıik satysyna shyq­ty. Sonymen birge, Alma­ty­­daǵy shar­shy alańda qarsy­lasta­ry­nyń syryn tapqan Syr boıy­nyń jas bylǵary qolǵap sheberi Tur­syn­baı Qu­lahmetov (70 kılo), Dinıslam Ábdeshov (75 kılo, OQO), Aı­tas Toıbaev (80 kılo, Almaty oblysy) pen 80 kı­lodan astam salmaqta óner kór­setken pav­lodarlyq Temir­lan Baqtybaı­dyń mereıi ústem boldy. Sóıtip, atalmysh báseke­lerdiń qorytyndysynda ko­man­­dalyq esepte Ońtústik Qa­zaq­stan oblysynyń óren­deri jeńip alǵan júldelerine qaraı jeke-dara kósh bas­tady. Olar 3 altyn, 1 kúmis jáne 3 qola me­dalǵa qol jet­kizdi. Odan keı­ingi oryn­dy 2 altyn, 3 kú­mis jáne 5 qolany enshilegen Jambyl oblysynyń boks­shy­lary ıe­lendi. Kelesi úshinshi jáne tór­tinshi oryndar kó­mirli Qaraǵandy óńiri óren­deri men Syr boıynyń jas boks­shylaryna buıyrdy. Mun­da Orta­lyq Qazaqstannyń eki boks­shysy altyn júldeni al­sa, taǵy beseýi qola medaldi qa­­na­ǵat tutty. Al Qyzylorda oblysynyń ókilderi 2 altyn, 1 qola júldemen shekteldi. Al­maty qalasy 1 altyn, 2 kúmis jáne 3 qolany ózderine qal­dyr­dy. Sonymen birge, Pav­lodar, Almaty men Mań­ǵystaý oblystarynyń koman­da­lary chempıonattan bir-bir altyn júldeni alyp qaıtty. Endi bıylǵy jyly jasós­pi­rimder birneshe elde óte­tin halyqaralyq týrnırlerge qaty­satyn bolady. Olar kók­temde Ýkraınanyń Lvov pen Do­nesk, Ázirbaıjannyń Baký, jaz­da jáne kúz aılarynda Re­seıdiń Máskeý qalasynda ja­laý­yn kóteretin Borıs La­gý­tın­niń, Qaskeleńde Prezı­dent Nursultan Nazarbaevtyń, Al­ma­tyda Serik Tólebaev pen shym­kenttik Sáýirbaı Esja­novtyń týrnırlerinde qolǵap túıistiredi. Bokstan kadetter arasyn­daǵy ulttyq quramanyń aǵa bap­keri Sultan Kostoevtyń aı­týynsha, bul básekelerde otan­dastarymyzǵa qasqaıa qar­sy umtylatyn qarsylastar az bolmaıdy. Bıylǵy el birin­shiligi osy týrnırlerge jáne kelesi jyly Astanada ótetin álem chempıonatyna daıyndyq bolyp tabylady. Dastan KENJALIN. JAÝYNGERLIK ÁZIRLIK QAI DEŃGEIDE? Gvardeıskide respýblıka Qarý­ly Kúshteri Qurlyq áskerleriniń basshylyq quramymen jedel jıyn ótkizildi. Oǵan Qorǵanys mınıstri Ádilbek Jaqsybekov qatysty. Mundaǵy basqosý maqsaty atý qarýlarynyń, oq-dárilerdiń saqta­lýyn jáne komandırler men ın­jener-tehnık quramnyń jeke jaý­apkershiligin arttyrýdy basshylyqqa alatyn qujattardaǵy talaptardy oqyp úırený boldy. – Búgingi bizdiń ótkizip otyrǵan sharanyń zańdylyq pen quqyqtyq tártipti qamtamasyz etýde, ulttyq qaýipsizdiktiń kepili bolyp sana­latyn Qarýly Kúshterimizdi sapalyq jaǵynan kóterýde mańyzy zor, – dedi jıynda sóılegen sózinde qor­ǵanys vedomstvosynyń basshysy. – “Jańa onjyldyq – jańa eko­nomıkalyq órleý – Qazaqstannyń jańa múmkindikteri” atty Memleket basshysynyń Qazaqstan halqyna Joldaýynyń negizgi baǵyttary boıynsha Qarýly Kúshterdiń barlyq jeke quramy Elbasynyń baǵdar­lamalyq nusqaýlaryn qamtamasyz etýge laıyqty úlesin qosýy shart. Osylaı degen Qorǵanys mınıs­tri Á.Jaqsybekov jıyn sońynda Qarýly Kúshterdiń jaýyngerlik ázirligin jańa deńgeıge kóterý, qaı iste bolsa da sapalylyqqa qol jet­ki­zý talaptary boıynsha áskerı qu­ry­lym basshylaryna naqty tap­syr­malar berdi, dep habarlady atalmysh vedomstvonyń baspasóz qyzmeti.