Bul kezdesý Jadyra Baıbulanovanyń jaqynda ǵana baspadan shyqqan «Qaǵaz júrek» atty óleńder jınaǵynyń tanystyrylymyna oraı uıymdastyrylyp otyr.
Jeńimpazyn «Jyldyń eń úzdik aqyny» atalymy boıynsha marapattap, kitabyn shyǵaryp berýdi dástúrge aınaldyrǵan Jumabek Táshenov atyndaǵy músháıranyń bıylǵy bas júldesi Jadyraǵa buıyrǵan. Osy ıgi is sebep bolyp, jaryq kórgen, alǵy sózin aqyn Kúlásh Ahmetova jazǵan «Qaǵaz júrektiń» tusaýyn aqyndar Murat Shaımaran, Maraltaı Raıymbek, Maqpal Mysa kesti. «Qazyǵurt» baspasynyń dırektory Temirǵalı Kópbaev, Baqyt Bedelhan bastaǵan aqyndar; kompozıtor Qadyrǵalı Kóbentaı men dástúrli ánshi Erlan Tóleýtaı; Qaraǵandydan arnaıy kelgen jas aqyndar óleń oqyp, án aıtty, kesh ıeleriniń shyǵarmashylyǵy jaıly pikir bildirip, tilekterin jetkizdi.
Ádebıet pen ómirde qol ustasyp kele jatqan eki aqynnyń óleńmen jaýaptasqan, óleń arqyly bir-birine til qatysqan, syr ashysqan sátteri bul kezdesýdiń eń basty ereksheligi boldy deýge bolady. Kesh ıeleri osyndaı kezdesýdi aldaǵy ýaqytta Qaraǵandyda da ótkizýdi josparlap otyr.
«Egemen Qazaqstan» gazetiniń Qaraǵandy oblysy boıynsha menshikti tilshisi, áriptesimiz Mırastyń shańyraǵyndaǵy qos qýanysh baıandy bolsyn dep tileımiz!
Almas NÚSIP,
«Egemen Qazaqstan»
ALMATY
