«Qazirgi boljamǵa sáıkes, temirjolmen shamamen 1 mıllıon 100 myń adam kelse, áýe qatynasymen 161 myń adam ushyp keledi. Avtobýspen shamamen 350 myń adam kelip ketedi. Al jeke kólikpen 200 myń adam qatynaıdy degen boljam bar. Jalpy, atalǵan úsh kólik qatynasymen Astanaǵa kún saıyn 20 myń adam kelip otyrady», dedi Sklıar búgin Úkimet úıinde ótken baspasóz máslıxatynda.
Onyń aıtýynsha, aldaǵy ýaqytta jolaýshylardy kóptep ótkizý úshin jańa temirjol vokzaly, áýejaıdyń jańa termınaly men eki avtovokzal ashylady.
«Kórme qonaqtarynyń basym bóligi temirjolmen keledi. Sol sebepti maýsym aıyna deıin marshrýttar 44-ten 58-ge deıin ulǵaıady. Ol úshin qosymsha 14 jolaýshylar poıyzy iske qosylady. Sonyń ishinde «Tulpar-Talgo» vagondarynan quralǵan tórt poıyz bar. Budan bólek, qazirgi poıyzdarǵa qosymsha 150 vagon tirkeledi. Osylaısha, eki temirjol vokzaly kún saıyn 47 myń jolaýshyny qabyldaı alady», dep atap kórsetti Roman Sklıar.
Sondaı-aq, EKSPO kórmesi kezinde avtobýstardyń sany da eki esege artatyn bolady.
