20 mamyr kúni keshte Aqtaý qalasynda teńiz jaǵalaýynda dodanyń saltanatty ashylýy ótti.
-Álem Kýbogy kezeńi birneshe eldiń basyn biriktiredi. Olardyń mádenıetin, sportyn, tanymy men rýhanı murasyn bir-birimen ushtastyrady. Alda qıyndyqqa toly, tabandylyq pen kúsh-jigerdi qajet etetin myńdaǵan shaqyrym jatyr. Sizder sportshy retinde naǵyz kásibılikterińizdi, myqtylyqtaryńyzdy dáleldep, kórermenderge umytylmas áser syılaısyzdar. Aldaǵy ýaqytta jarystyń qatysýshylar sany artyp, dásúrli túrde ótkiziletinine senimdimiz, dedi quttyqtaý sózinde Mańǵystaý oblysynyń ákimi E.Toǵjanov.
«Rallı Qazaqstan-2017» alty kezeńnen turady. Barlyǵy 2494 shaqyrymdyq joldyń 1846 shaqyrymy jedel júrý aımaqtary bolyp tabylady. Ekıpajdar T1- sapasy jaqsartylǵan serııaly avtomobılder, T2 – serııalyq úlgiden ózge jeńil avtomobılder jáne T3- jeńildetilgen avtomobılder jáne Ulttyq klass baǵyttar boıynsha júredi. Dodaǵa qatysýshylar arasynda Katar elinen kelgen Nasser Al-Attiya men Mohammed Abu Issa, saýd arabııalyq Yazeed AI-Rajhi, Polshadan kelgen Aron Domzala, chehııalyq sportshy Miroslav Zapletal syndy álemge tanymal sportshylar bar.
-Qazaqstan Respýblıkasy Avtomotosport Federasııasy Rallı reıdten Álem kýbogy kezeńin alǵash ret ótkizip otyr. Bul – jyl saıyn ár memlekette ótkiziletin kópkezeńdi jarys. Osy jyly aıtýly sharany bizdiń elimizde ótkizý múmkindigi týdy. Dúnıejúzilik dodanyń tarıhyna ený - uıymdastyrýshylar úshin ǵana emes, elimiz úshin de úlken mártebe, dedi QR Avtomotosport Federasııasynyń Prezıdenti M.Ábiqaev.
Saıysty ótkizýge Mańǵystaý jeriniń tańdalýy tegin emes. Arheologııalyq qoryqtary, memlekettik deńgeıde qorǵaýǵa alynǵan 11 myń tarıhı eskertkishteri bar ejelgi órkenıtettiń mekeni bolǵan Mańǵystaý Beket ata, Shaqpaq ata, Masat ata sekildi kıeli oryndarymen de erekshelenedi. Rallı-Reıd ejelde «Uly Jibek joly» kerýen joly júrgen, teńiz deńgeıinen 132 metr tómende ornalasqan, álemde tereńdigi jóninen 4-shi oryn alatyn Qaraqııa oıpaty arqyly ótedi. Kedergige toly oıpat joly jarys úshin óte qolaıly. Álemdik moto-dodanyń ótýi - kıeli óńirdiń sulý tabıǵatyn, tarıhı oryndary men mádenıetin ózge elderge tanytýǵa jasalǵan múmkindik.
Gúlaıym ShYNTEMIRQYZY,
«Egemen Qazaqstan».
AQTAÝ.
Sýret «Lada» saıtynan alyndy
