Balalar bı bılep, aspanǵa shar laqtyryp, tasjolǵa sýret saldy. Sondaı-aq qatarlasyp turyp, Qazaqstan polısııasynyń 25 jyldyǵyn bildiretin «25» sıfryn jasap kórsetti. Qostanaı qalalyq jergilikti polısııasy, bilim bólimi, «О́rleý» volonterlary, «GRıN» azamattyq alıansy birlesip uıymdastyrǵan fleshmob balalardyń jol-kólik qaýipsizdigine kópshiliktiń kóńilin aýdarýdy maqsat etip qoıdy.
«Balalar demalysqa shyǵatyn jaz maýsymynda jol-kólik qaýipsizdiginiń mańyzy burynǵydan da arta túsedi. Kishkentaılar jol erejesin oıyn jáne basqa da qyzyqty sharalar arqyly tez qabyldaıdy. Sondyqtan «Balalardyń jol qaýipsizdigi» aılyǵy aıasynda barlyq sharalardy ózderiniń qatysýymen qyzyqty etip ótkizýdi oılastyrdyq», – deıdi Qostanaı qalalyq ishki ister basqarmasy jergilikti polısııasynyń aǵa ınspektory, polısııa maıory Elena Magasýmova.
Bıyl jyl basynan beri Qostanaıda 50 jol-kólik oqıǵasy tikelgen, solardyń beseýinde balalar zardap shekken.
Názıra Járimbetova,
«Egemen Qazaqstan»
QOSTANAI
